Arngerðareyri
eyðibýli á Vestfjörðum
Arngerðareyri er eyðibýli yst í Ísafirði í botni Ísafjarðardjúps á Vestfjörðum. Djúpvegur liggur framhjá húsinu upp á Steingrímsfjarðarheiði. Húsið sem enn stendur er reisulegt steinhús í kastalastíl. Það var upphaflega byggt fyrir kaupfélagsstjórann í Kaupfélagi Nauteyrarhrepps og í húsinu var frá fyrstu tíð rennandi vatn og vatnssalerni. Þar var verslun, "umferðarmiðstöð", símstöð og skóli. Verslun hófst á Arngerðareyri í kringum 1884 í eigu Ásgeirssens kaupmanns á Ísafirði og í umsjón Ásgeirs Guðmundssonar bónda á Arngerðareyri. Djúpbáturinn sigldi frá Arngerðareyri til Ísafjarðar á meðan engir eða illfærir vegir voru um Ísafjarðardjúp. Arngerðareyri fór í eyði 1966.[1][2][3]
Heimildir
breyta- ↑ Ingi Freyr Vilhjálmsson (4. desember 2022). „Loftkastali kaupfélagsstjórans í Djúpinu“. Stundin. Sótt 28. apríl 2024.
- ↑ „Gera upp kastala á Arngerðareyri“. RÚV. 30. júlí 2012. Sótt 28. apríl 2024.
- ↑ Sigurður Bogi Sævarsson (6. september 2018). „Lagt á Djúpið“. Morgunblaðið. bls. 32–33. Sótt 28. apríl 2024.