Aconcagua
Aconcagua (fullt nafn Cerro Aconcagua) er hæsta fjall Ameríku og jafnframt hæsti tindurinn bæði á suðurhveli jarðar og vesturhveli jarðar. Það stendur í Andesfjöllum 6.962 metra yfir sjávarmáli. Fjallið er í Mendoza-sýslu í Argentínu 112 km norðvestan við höfuðstað sýslunnar, borgina Mendoza. Fjallið er einn af Tindunum sjö sem eru hæstu fjöll heimsálfanna sjö.
