Þarfanaut Íslands

Þarfanaut Íslands var íslenskur raunveruleikaþáttur veturinn 2005 í Kastljósi Ríkissjónvarpsins þar sem Gísli Einarsson fór um landið og leitaði að „eftirnauti“ Guttorms úr húsdýragarðinum.

Í úrslitum voru:

  • Eldur 04001 frá Laugarbóli. Eldur var tekinn á Nautastöð og er fæddur í janúar 2004. Þorri 04005, sem var kominn í úrslit, var sakaður um svindl og því dreginn úr keppni. Eldur var rauður undan Sprota 95036.
  • Humar frá Bakka. Humar er svartskjöldóttur og fæddur 2003.
  • Sproti frá Heggstöðum í Borgarfirði undan Hvítingi 96032. Sproti er brandskjöldóttur.

Það var svo ákveðið að Eldur 04001 myndi hreppa titilinn „Þarfanaut Íslands“ og varð hann hirðnaut Fjölskyldu- og Húsdýragarðsins. Hann var síðar felldur vegna geðslagsgalla.

Tenglar breyta