Úlfur Karlsson

Úlfur Karlsson (fæddur 13. október 1988) er íslenskur listamaður og kvikmyndaleikstjóri. Úlfur hóf feril sinn með gerð stuttmynda og heimildarmynda. Árið 2003 komst Úlfur á New York Independent Film and Video Festival með stuttmyndina Pirovat. Árið 2008 lauk hann námi við Kvikmyndaskóla Íslands. Hann hefur gert tvær stuttmyndir síðan þá, Tvísögu, árið 2006, og Einskonar Alaska, árið 2008, sem byggð var á útvarpsleikriti eftir Harold Pinter.^[1] Eftir það sneri hann sér að mestu að myndlistinni. Árið 2009 lauk hann fornámi í Myndlistarskólanum á Akureyri.^[2] Þá hóf hann nám við Valand School of Fine Arts og lauk BA gráðu þaðan.^[3] Þar hefur hann haldið margar sýningar á abstrakt expressíónistískum málverkum sínum. Úlfur hefur einnig haldið fjölmargar sýningar á Íslandi, meðal annars í Listasafni ASÍ , Slunkaríki og Sláturhúsinu á Egilsstöðum.^[4] Hann hefur einnig sýnt verk sín í Svíþjóð, Þýskalandi, Danmörku og Grikklandi.^[5] Árið 2015 tók Úlfur þátt í sýningunni Nýmálað í Listasafni Reykjavíkur. Hann hélt einnig sýningu sem bar titilinn Við erum ekki hrædd, í Listasafni Reykjavíkur^[6] og sýningu sem hét Inngræðsla í Gallerý Veður og Vindur.^[7] Árið 2016 hélt Úlfur einkasýningu í Galerie Hilger NEXT í Vínarborg sem bar titilinn "By Proxy". ^[8]