Ókind
Ókind er hljómsveit sem á rætur sínar að rekja til Seltjarnarness. Hljómsveitin lenti í öðru sæti Músíktilrauna árið 2002 og var Birgir Örn Árnason valinn efnilegasti bassaleikarinn. Hljómsveitin hefur gefið út tvær breiðskífur. Þá fyrri, Heimsenda 18, tóku þeir upp í hljóðverstíma sem þeir hlutu í verðlaun úr Músíktilraunum. Þá seinni, Hvar í Hvergilandi, tók Birgir Örn upp í þeirra eigin stúdíói og má þess geta að sú plata hlaut fullt hús stjarna þegar hún var gagnrýnd í Morgunblaðinu. [1]
Hljómsveitin spilaði á tónleikum á skemmtistaðnum Amsterdam í ágúst 2006. Þetta voru síðustu tónleikar sveitarinnar, en það var einungis meðlimum Ókindar kunnugt þar til tveir meðlimanna staðfestu samstarfsslitin í viðtali í Morgunblaðinu skömmu eftir fyrrnefnda tónleika.
Meðlimir sveitarinnar hafa snúið sér að öðrum verkefnum, ýmist á vettvangi tónlistar eða annars, t.d. hefur Birgir lagt meiri áherslu á upptökustjórn og má þar m.a. nefna plötu Isidor, Betty takes a ride. Steingrímur Karl er nú í hljómsveitinni Moses Hightower þar sem hann spilar á hljómborð ásamt því að syngja. Hann hefur einnig verið meðlimur í öðrum böndum s.s. Glymskrattarnir, og Llama, auk þess sem hann hefur unnið ýmis verkefni sem píanó-/hljómborðsleikari.
Hljómsveitin tilkynnti um fyrirhugaða tónleika þann 4. september 2010 [2], þá fyrstu í rúm fjögur ár.
Meðlimir
breyta- Birgir Örn Árnason - bassi
- Ingi Bekk - gítar
- Ólafur Freyr Frímansson - trommur
- Steingrímur Karl Teague - söngur, hljómborð
Útgefin verk
breyta- Heimsendi 18 - 2003 breiðskífa
- Hvar í hvergilandi - 2006 breiðskífa
einnig:
- Þoturass - 2004 smáskífa, óopinber kynningarútgáfa.
- Stúfur - 2004 jólasafnplata, gefin út í góðgerðarskyni.
Tilvísanir
breyta- ↑ „Ókindin snýr aftur“. 16. júlí 2010. Sótt 09. ágúst 2010.
- ↑ „Ókind hvergi bangin“. 02. júní 2006. Sótt 09. ágúst 2010.