Gild röksemdafærsla

Í rökfræði er röksemdafærsla gild ef og aðeins ef niðurstöðuna leiðir af forsendunum, en annars er hún ógild. Gert er ráð fyrir að af sönnum forsendum leiði aldrei ósannindi og því gildir að ef röksemdafærsla er gild, þá er ómögulegt að forsendurnar séu sannar en niðurstaðan ósönn. Ef form röksemdafærslunnar er slíkt að það er hægt að finna a.m.k. eitt dæmi þess að röksemdafærsla á því formi hafi einungis sannar forsendur en jafnframt ósanna niðurstöðu, þá er röksemdafærslan ógild.

Dæmi

Íhugið form eftirfarandi röksemdafærslu:

Öll P eru Q

A er P

A er þar af leiðandi Q

Röksemdafærslur á þessu formi eru gildar; það er ómögulegt að forsendurnar séu báðar sannar en niðurstaðan jafnframt ósönn.

Annað dæmi um form gildrar röksemdafærslu:

Ef P, þá Q

Ef Q, þá R

P

Þess vegna R

Heimild

• Fyrirmynd greinarinnar var „Validity“ á ensku útgáfu Wikipedia. Sótt 28. apríl 2006.

Tengt efni

• Rétt röksemdafærsla

Gildar ályktunarreglur

• Jákvæð játunarregla
• Jákvæð neitunarregla
• Neikvæð játunarregla
• Neikvæð neitunarregla

Tenglar

• „Hvenær er rökfærsla sönn?“. Vísindavefurinn.
• „Hvað eru skynsamleg rök?“. Vísindavefurinn.