Ylrækt

Ylrækt er ræktun plantna í upphituðum gróðurhúsum en ekki utandyra. Auk varmans er notast við lýsingu til að hjálpa til við vöxt plantnanna. Ýmist er ræktað í mold eða vatni sem kallað er vatnsrækt.

Sögu ylræktar á Íslandi má rekja aftur til 1923 eða 1924 til Mosfellsdals. Víða um land er ræktað í gróðurhúsum í atvinnuskyni en mikið er ræktað á Suðurlandi. Helstu afurðir í ylrækt eru tómatar af ýmsum gerðum, gúrkur, paprikur og salat.

Stærsti einstaki ræktandi salats og kryddplantna er Lambhagi í Reykjavík.