Vilko
Vilko ehf. er íslenskt matvælafyrirtæki sem starfar á Blönduósi. Fyrirtækið framleiðir margskonar vörur fyrir íslenskan markað, s.s. sultur, grauta, súpur, vöfflur, krydd o.s.frv. Fyrirtækið var stofnað í Kópavogi 1969 af Jóni Ingimarssyni og framleiddi þá þurrsúpur. Nafnið Vilko var þó eldra því að bróðir Jóns, Lárus Ingimarsson, hafði rekið efnagerð undir þessu nafni frá árinu 1949.[1] Kaupfélag Húnvetninga keypti fyrirtækið 1985 og var framleiðslan flutt til Blönduóss 1986[2].[3]
Verksmiðjuhús fyrirtækisins við Efstubraut 2 eyðilagðist í miklum bruna 28. september 2004 en starfsemin hófst á nýjan leik í nýju húsnæði í nóvember sama ár.[4]
Heimildir
breyta- ↑ „Íslenskar þurrsúpur framleiddar í Kópavogi“. Morgunblaðið [á vefnum]. 11. janúar 1970, [skoðað 2022-08-22].
- ↑ „Kaupfélag A-Hún. kaupir Vilko súpufyrirtækið“. Feykir [á vefnum]. 6. nóvember 1985, [skoðað 2022-08-22].
- ↑ „Um okkur“. Vilko.is [á vefnum]. [skoðað 2022-08-22].
- ↑ „Vilko ehf. aftur af stað“. visir.is [á vefnum]. 11. nóvember 2004, [skoðað 2022-08-22].