Tjarnastör
Tjarnastör, ljósastör, ljósalykkja eða mjólkurstör (fræðiheiti: Carex rostrata) er stör sem vex víða í Kanada, norðurhluta Bandaríkjanna og á Íslandi. Hún er stórvaxnasta störin sem vex á Íslandi. Strá hennar er gilt og mjúkt. Blöðin eru blágræn. Karlöx tjarnastararinnar eru tvö eða fleiri, með 2-3 leggi og kvenöxin eru lútandi. Axhlífarnar eru móleitar að lit og hulstrin útsperrt og útblásin. Þau ganga fram í langa, tvítennta trjónu. Tjarnastörin vex í tjörnum, síkjum og mýrum. Hún er algeng um allt Ísland.[1]
| Tjarnastör | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Vísindaleg flokkun | ||||||||||||||
| ||||||||||||||
| Tvínefni | ||||||||||||||
| Carex rostrata Stokes, 1787 |
Á Íslandi var tjarnastörin slegin til fóðurs og var talin ágætt fóður fyrir mjólkurkýr, enda er hún einnig nefnd mjólkurstör. Mergur tjarnastarar er ætur en hann sést vel ef stráið er slitið af við rót. Blöðin eru mjúk og sveigjanleg og voru því oft notuð í undirsængur, sessur eða sem skóleppar.[2]
Tilvísanir
breyta- ↑ „Flóra Íslands Flóran Blómplöntur“. www.floraislands.is. Sótt 21. apríl 2023.[óvirkur tengill]
- ↑ Akureyrarbær. „Flóra Íslands“. Lystigarður Akureyrar. Sótt 21. apríl 2023.
