Töfraljósker

Töfraljósker einnig þekkt undir latneska heitinu lanterna magica er forn tegund af myndvarpa eða skuggamyndavél þar sem myndir sem gátu verið málaðar, prentaðar eða ljósmyndir voru settar á gagnsæja glerplötu fyrir framan eina eða fleiri linsur og ljósuppsprettu og varpað þannig upp á vegg eða svið. Þessi tækni var þróuð á 17. öld og var í fyrstu aðallega notuð til skemmtunar og sem töfrabrögð. Á 19. öld var þessi tækni þróuð áfram og notuð til að sýna fræðsluefni. Lítil töfraljósker voru notuð sem leikföng barna. Töfraljósker voru í notkun fram á miðja 20. öld en þá ruddu sér til rúms 35 mm skyggnuvélar.

Töfraljósker frá 19. öld með prentaðri skyggnu (upprétt svo að þegar kveikt er á ljóskerinu þá geti það varpað upp öfugri mynd)

Skyggna í töfraljósker