Skíðaskotfimi

Skíðaskotfimi er skíðaíþrótt sem tvinnar saman skíðagöngu og skotfimi. Í skíðaskotfimi er gengið með frjálsri aðferð (ganga hefðbundið eða skauta) milli þess sem skotið er á skotmörk, ýmist í liggjandi eða standandi stöðu. Á skotsvæðunum er skotið á fimm skotmörk í senn en fyrir hvert feilskot fær keppandi á sig refsihring eða tími lagður við heildarskíðatímann. Refsihringurinn er stuttur hringur til hliðar við brautina. Sá keppandi sigrar sem lýkur með stystan heildartíma.

Jeremy Teela stillir sér upp til að skjóta á Vetrarólympíuleikunum í Tórínó, 2006

Meðal besta skíðaskotfimifólks í heimi má nefna Ole Einar Bjørndalen, Manuela Henkel, og Sandrine Bailly.