Sagnamennska
Sagnamennska er sú list að segja sögur, stundum með leikrænum tilburðum, spuna, leikmunum eða öðru skrauti. Í öllum mannlegum samfélögum eru til hefðir í kringum sagnamennsku, þjóðsögur og aðrar frásagnir. Tilgangurinn getur verið að skemmta, miðla hefðum og menningarlegum gildum, sem trúarleg athöfn eða til að uppfræða áheyrendur.
![](http://upload.wikimedia.org/wikipedia/commons/thumb/c/c6/Singing_storytelling_performance_of_the_story_of_Shahnameh_in_Qazvin_1.jpg/220px-Singing_storytelling_performance_of_the_story_of_Shahnameh_in_Qazvin_1.jpg)
Þegar talað er um sagnamennsku er yfirleitt átt við munnlega frásögn, en stundum í víðari merkingu um tækni sem skapar framvindu í frásögninni óháð miðlinum.
Víða um heim eru til samtök sagnafólks, sagnahátíðir og sérstök rými ætluð sagnamennsku. Alþjóðlegi sagnamennskudagurinn er haldinn hátíðlegur á vorjafndægri, um 20. mars ár hvert. Hann er upprunninn í Svíþjóð 1991.