Réttmætisreglan
Réttmætisreglan er meginregla stjórnsýsluréttarins er felur í sér kröfu um að ákvarðanir stjórnvalda skuli vera studdar málefnalegum sjónarmiðum. Í íslenskum rétti gildir hún að jafnaði um allar ákvarðanir stjórnvalda óháð því hvort löggjafinn hafi falið þeim vald til að taka lögbundnar eða matskenndar stjórnvaldsákvarðanir, og einnig um ólögmæltar ákvarðanir.
