Ota Benga

Ota Benga (188320. mars 1916) var pygmýi af Mbuti þjóðinni í Kongó. Hann var búsettur í frumskógi í þorpi nálægt Kasai fljótinu á svæði sem þá var nefnt Fríríkið Kongó. Málaliðasveitin Force Publique sem var sett á stofn af og vann fyrir Leópold II. Belgíukonung réðst á þorpið og drap konu hans og börn. Ota Benga komst undan vegna þess að hann var í veiðiferð þegar árásin var gerð. Hann var seinna fangaður af afrísku þrælasölum af Bashilele ættbálki. Trúboðinn Samuel Phillips Verner keypti Ota af afrískum þrælasölunum og flutti hann til Bandaríkjanna þar sem hann var hafður til sýnis á heimssýningunni í Louisiana árið 1904 ásamt hópi annarra afríkumanna. Árið 1906 var hann hafður til sýnis í dýragarði í Bronx í apabúri dýragarðsins. Meðferð á Benga var mjög gagnrýnd í dagblöðum fólks af Afríkuuppruna og varð það til þess að Benga var árið 1906 komið í umsjá James Gordon sem stýrði munaðarleysingjahæli fyrir þeldökka í Brooklyn.

Mynd af Ota Benga tekin árið 1904 á heimssýningunni í Louisiana.

Ota Benga reyndi að snúa aftur til Afríku en gat það ekki þar sem farþegasiglingum yfir Atlantshafið var hætt þegar fyrri heimsstyrjöldin hófst árið 1914. Ota Benga lagðist í þunglyndi og framdi sjálfsmorð þann 20. mars árið 1916.

TengillBreyta