Njósnarinn með þúsund andlitin

Njósnarinn með þúsund andlitin er unglingasaga eftir Henri Vernes.

Söguþráður

Í þessari bók hittum við þá Bob Moran og Bill Ballantine. Það var að kvöldi dags, er þeir voru staddir í Belgíu og voru að fara í heimsókn til hins fræga prófessors Flandre, en hann var þekktur kjarnorkufræðingur og gamall vinur Bob. En af einhverjum ástæðum hafði skurður verið grafinn í gengum heimtröðina, svo vinirnir urðu að leggja það á sig að ganga heima að húsinu. Þeir voru komnir gegnum garðshliðið og áttu eftir svo sem fimmtíu faðma heima að húsinu, þegar þeir snarstönzuðu allt í einu. Innan úr íbúð prófessorsins kvað við hátt og skerandi vein - angistaróp, og svo óp kvennmannsraddar, sem æpti: Hjálp, hjálp. - Bob og vinur hans, Skotinn, litu fyrst hvor á annan. En án þess að kæla orð tóju þeir á rás heim að húsinu. - Það er óþarfi að skýra það nánar fyrir lesendum bókarinnar: Hér hefst atburðarás sögunnar - dularfull - æsispennandi - ævíntýrarík - og auðvitað kemst Bob vinur okkar í hann krappann eins og í fyrri bókum sínum.

Aðalpersónur

Bob Moran, Bill Ballantine, Prófessor Flandre, Nadine Flandre, Van Eyck, Jan Merks, X ofursti

Sögusvið

Brussel, Antwerpen, Belgía

Bókfræði

Titill: Njósnarinn með þúsund andlitin
Undirtitill: Æsispennandi drengjasaga um afreksverk hetjunnar Bob Moran
Á frummáli: L'espion aux cent visages,
Upprunalegur útgefandi: Gérard & Co.
Fyrst útgefið: 1960
Höfundur: Henri Vernes
Þýðandi: Magnús Jochumsson
Útgefandi: Prentsmiðjan Leiftur Hf.
Útgáfuár: 1965