Nagornó-Karabak
Nagorno-Karabakh er landlukt hérað í Suður-Kákasus sem nær yfir suðausturhluta Minni Kákasusfjalla. Héraðið er fjalllent og skóglent. Bein þýðing á nafninu væri hinir fjalllendu svartgarðar þar sem 'Nagorno' er leitt af rússneska lýsingarorðinu 'nagornyj' (наго́рный) sem þýðir fjalllent, og Karabakh er leitt af tyrkíska *kara (svart) og persneska باغ bâğ (garður). Héraðið er allt innan landamæra Aserbaísjan en stærsti hluti þess er í raun og reynd sjálfstætt ríki sem kallast Lýðveldið Nagorno-Karabakh (Artsakh-lýðveldið), en án almennrar alþjóðlegrar viðurkenningar. Mörk héraðsins miðast venjulega við mörg sjálfstjórnarhéraðsins Nagorno-Karabakh innan Sovétríkjanna sem var 4.400 ferkílómetrar að stærð, en sögulega héraðið náði yfir um 8.223 ferkílómetra.
