Myndprjón

Myndprjón er prjón með Intarsia tækni þar sem myndir eða mynstur eru prjónuð með því að prjóna einn lit í einu, ekki eins og í venjulegu útprjóni (tvíbandaprjóni) þar sem tveir litir eru prjónaðir saman. Tíglamynstur (argyle) á háa skoska sokka var fyrr á tímum prjónað með myndprjóni með sléttu prjóni. Á Íslandi var prjónað myndprjón með garðaprjóni í rósaleppa sem notaðir voru sem innlegg (íleppar) í skinnskó.

Skoskir sokkar með tíglamynstri prjónaðir með Intarsia tækni

Heimildir

• Hélène Magnússon, & Skúli Magnússon. (2006). Rósaleppaprjón í nýju ljósi.
• Rósaleppaprjón séríslenskt myndprjón? Hugur og hönd - 1. tölublað (01.06.1996) bls. 26-28
• Hélene Magnússon, Íleppamunstur, Hugur og hönd - 1. tölublað (01.06.2006) bls. 36-39
• Peysa með barðaprjóni, Hugur og hönd - 1. tölublað (01.06.1987)