Mýrar (sveit í Hornafirði)

Mýrar eru sveit í Hornafirði. Austurmörk eru Hornafjarðarfljót, og handan þeirra er sveitin Nes. Vesturmörk Mýra voru Heinabergsvötn, sem síðar breyttu um farveg, og teljast mörkin nú vera lína úr Hafrafellshálsi, um Hánípu og til sjávar austan Sævarhólalands. Mýrar voru um skeið sérstakt hreppsfélag, Mýrahreppur. Í Holtum var helsti þingstaður sýslunnar. Prestsetur og sóknarkirkja sveitarinnar var lengst í Einholti, en kirkjan var 1899 færð að Brunnhól. Helstu vatnsföll á Mýrum eru Hornafjarðarfljót, Djúpá, Hólmsá og Heinabergsvötn. Á fyrri tíð komu stundum mikil hlaup úr Vatnsdal en nú eru þau hætt vegna þess hve jökullinn hefur hopað.

Jarðir í sveitinni

Fjallabæir

• Haukafell
• Hlíðarberg
• Rauðaberg
• Viðborð
• Viðborðssel

Holtajarðir

• Hólabrekka
• Holtar
• Holtasel
• Kyljuholt
• Stóraból
• Tjörn

Einholtsjarðir

• Brunnhóll
• Einholt
• Flaga
• Geirsstaðir
• Hamrar
• Lambleiksstaðir
• Slindurholt
• Árbær

Suður-Mýrar

• Bakki
• Baldurshagi
• Borg
• Flatey efri
• Flatey syðri
• Heinaberg
• Hólmur
• Nípugarðar
• Oddi
• Skinney (Eskey, Selbakki)

Heimildir

• Kristján Benediktsson: „Mýrar”, Byggðasaga Austur-Skaftafellssýslu II, Reykjavík 1972.