Lögmál um minnkandi jaðarframleiðslu

Í hagfræði er Lögmálið um minnkandi afrakstur (einnig kallað lögmálið um minnkandi jaðarframleiðslu) lækkun á jaðarframleiðslu þegar magn eins framleiðsluþáttar er aukið smám saman, á meðan öllum öðrum framleiðsluþættum er haldið föstum. Lögmálið um minnkandi jaðarfremleiðslu segir að í framleiðsluferli muni aukning í framleiðsluþætti (t.d. vél eða vinnuafl) um eina einingu, á meðan öllum öðrum framleiðsluþáttum er haldið föstum, á einhverjum tímapunkti skila lægri framleiðslu á hverja einingu framleiðsluþátta. Lögmálið um minnkandi jaðarframleiðslu veldur ekki lækkun á heildarframleiðslu, heldur skilgreinir það punkt á framleiðsluferlinum þar sem framleiðsla viðbótar einingar af vöru mun leiða til taps og er þekkt sem neikvæð jaðarframleiðsla. Við minnkandi jaðarframleiðslu er framleiðslumagn jákvætt, en framleiðni og skilvirkni minnkar.

Framleiðsluferill með framleiddar einingar á y-ás og framleiðsluþátt á x-ás. Svæði vaxandi, minnkandi og neikvæðrar jaðarfremleiðslu eru merkt inn á myndina meðfram ferlinum. Í bláa punktinum er hámarks-jaðarframleiðsla, sem er sá punktur á ferlinum þar sem framleiðsla á annarri einingu verður óhagkvæm og jaðarframleiðsla fer minnkandi.

Þegar jaðartekjur eru jafnar jaðarkostnaði er hagstæðast að hætta að auka við framleiðsluþátt eða hætta eftirspurninni eftir framleiðsluþætti.