Líffærafræði
Líffærafræði er undirgrein líffræðinnar sem fæst við byggingu og hluta lífvera. Líffærafræði er undirgrein formfræði sem fæst við útlit og byggingu lífvera. Líffærafræði er gömul vísindagrein sem rekur uppruna sinn til forsögulegs tíma. Alþjóðleg heiti líffæra eru á latínu og grísku vegna þess hve grískir og latneskir höfundar eins og Hippókrates og Galenos eru mikilvægir í sögu greinarinnar, sérstaklega þegar hún tók að mótast sem sérstök fræðigrein á 16. öld.[1] Líffærafræði tengist öðrum vísindagreinum eins og þroskalíffræði, fósturfræði, samanburðarlíffærafræði og þróunarlíffræði, sem allar fjalla um ferli sem leiða til þróunar og þroska líffæra. Líffærafræði er líka nátengd lífeðlisfræði og rannsóknir og nám í þessum greinum fara oft saman. Líffærafræði mannsins er ein af undirstöðugreinum læknisfræði.[2]
Tilvísanir
breyta- ↑ Geir Þ. Þórarinsson (28.4.2022). „Af hverju er latína enn notuð í líffærafræði?“. Vísindavefurinn.
- ↑ Arráez-Aybar; og fleiri (2010). „Relevance of human anatomy in daily clinical practice“. Annals of Anatomy. 192 (6): 341–48. doi:10.1016/j.aanat.2010.05.002. PMID 20591641.
