„Rimar“: Munur á milli breytinga

'''Rimar''' er fjall við utanverðan [[Svarfaðardalur|Svarfaðardal]] að austanverðu. Rimar eru mikið fjall og hátt, 1371 m þar sem hæst ber við innanverðan Hofsdal. Norðar á háfjallinu er stór og vel gerð landmælingavarða, hún er í 1265 m yfir sjávarmáli. Norðan við Rimar eru [[Messuhnjúkur]] og [[Vallafjall]] en sunnan þeirra er Sælukolla. Fjallið tekur nafn af rindum eða hryggjum sem liggja upp og ofan háhlíðar þess og setja á það einkennandi svip. Stærsti rindinn nefninst Stóririmi. Fjallganga á Rimar er allmikil ganga en ekki torsótt. Fjallið er tiltölulega flatt að ofan og ekki með hnjúkum eða tindum. Það er að mestu úr basalti. Best er að ganga á Rimar frá [[Hof í Svarfaðardal|Hofi í Svarfaðardal]] upp með Hofsá, þar sem [[Goðafoss]] beljar í gljúfrum, og upp eftir hinu fagurskapaða [[berghlaup]]i [[Hofshólar|Hofshólum]], upp með Hofsskál og þaðan á fjallsöxlina sunnan við Messuhnjúk og á háfjallið. Nafnið Rimar er ýmist haft í karl- eða kvenkyni. Félagsheimili Svarfdælinga, [[Félagsheimilið Rimar|Rimar]], heitir eftir fjallinu.