„Henry Hudson“: Munur á milli breytinga

'''Henry Hudson''' ([[12. september]] [[1571-1580]] - [[1611]]) var [[England|enskur]] landkönnuður. Hann fæddist í [[London]] og talið er að hann hafi unnið sig upp í stöðu [[skipstjóri|skipstjóra]] en lítið er vitað um ævi hans til ársins [[1607]] þegar hann var ráðinn af [[Moskvufélagið|Moskvufélaginu]] í Englandi til að finna [[norðausturleiðin]]a til [[Kína]]. Hann sigldi í norður allt að 577 [[sjómíla|sjómílur]] sunnan við [[norðurpóllinn|norðurpólinn]] þar sem hann sneri við og hélt aftur heim. Sumir telja að hann hafi uppgötvað [[Jan Mayen]] en engar heimildir eru til sem benda til þess. [[1608]] fór hann í aðra ferð og reyndi að sigla norður fyrir [[Rússland]]. Hann náði til [[Novaja Semlja]] en neyddist til að snúa við.

 

Árið [[1609]] var Hudson ráðinn af [[Hollenska Austur-Indíafélagið|Hollenska Austur-Indíafélaginu]] til að finna austurleið til [[Asía|Asíu]] á skipi félagsins ''[[Halve Maen]]''. Í þetta sinn varð hann að snúa við vegna [[hafís]]s áður en hann komst til Novaja Semlja. Hann hafði heyrt orðróm um siglingaleið í gegnum meginland [[Norður-Ameríka|Norður-Ameríku]] frá [[Jamestown]] og [[John Smith]] og ákvað því að freista þess að finna suðvesturleið. Hann náði [[Nýfundnaland]]i í byrjun [[júlí]] og kannaði meðal annars [[Chesapeake-flói|Chesapeake-flóa]] og [[Delaware-flói|Delaware-flóa]] á austurströndinni í leit að siglingaleið til [[Kyrrahaf]]sins. Þá sigldi hann inn í [[New York-höfn|flóann]] þar sem nú er höfnin í [[New York]] og sigldi upp [[Hudsonfljót]] inn í landið allt að [[Albany (New York)|Albany]] þar sem áin mjókkar. Á leiðinni [[verslun|verslaði]] hann við innfædda og átti þannig upphafið að hinni blómlegu [[skinn]]averslun milli [[Holland|Hollendinga]] og [[Indíánar|indíána]] þar sem [[Nýja Amsterdam]] var síðar stofnuð.

 

[[1610]] fékk Hudson fjármagn frá [[Virginíufélagið|Virginíufélaginu]] og [[Breska Austur-Indíafélagið|Breska Austur-Indíafélaginu]] til að leggja upp í nýja ferð á skipinu ''[[Discovery (skip)|Discovery]]'' til að leita að [[norðvesturleiðin|norðvesturleið]] til Kína. Í þetta skipti sigldi hann norðar og kom til [[Ísland]]s [[11. maí]] og suðurodda [[Grænland]]s [[4. júní]]. [[25. júní]] kom skipið í [[Hudsonsund]] við norðurodda [[Labrador]] og [[2. ágúst]] komu þeir í [[Hudsonflói|Hudsonflóa]]. Þar festist skipið í ís og áhöfnin bjó um sig í landi. Þegar ísa leysti um vorið hugðist Hudson halda áfram landkönnun en áhöfnin vildi snúa heim. Þetta leiddi til uppreisnar sem lyktaði með því að Hudson var, ásamt syni sínum og sjö öðrum, skilinn eftir á opnum báti á Hudsonflóa. Ekkert spurðist til þeirra eftir það.

 

[[pt:Henry Hudson]]

[[ro:Henry Hudson]]

[[simple:Henry Hudson]]

[[sk:Henry Hudson]]