„Hallmundarhraun“: Munur á milli breytinga

'''Hallmundarhraun''' er stærsta hraunbreiða í [[Borgarfjörður|Borgarfirði]]. Það er [[helluhraun]] sem talið er hafa myndast skömmu eftir [[landnám Íslands]], einhvern tímann á [[10. öld]]. Það er kennt við [[Hallmundur jötunn|Hallmund]] þann sem [[Grettis saga]] segir að ætti sér bústað á þessum slóðum. Hraunið er komið úr miklum gíg upp undir [[Langjökull|Langjökli]] undir svokölluðum [[Jökulstallar|Jökulstöllum]]. Nýverið er farið að kalla hann Hallmund eða Hallmundargíg. Líklegt er að gosið hafi verið langvinnt og staðið í nokkur ár. Ekki er talið að mikil [[gjóska]] hafi myndast í gosinu en [[Kvika|kvikustrókar]] og gosgufur hafa vafalítið stigið upp af [[Eldvarp|eldvörpunum]] vikum og mánuðum saman. Það er yfir 200 km² að flatarmáli. Breiðast er hraunið um 7 km og heildarlengd þess er 52 km.<ref>{{bókaheimild|höfundur=Sveinn P. Jakobsson|höfundur2=Júlíus Sólnes (ritstj.)|titill=Vesturgosbelti. Í&nbsp;bókinni: Náttúruvá á Íslandi. Eldgos og jarðskjálftar|ár=2013|útgefandi=Viðlagatrygging Íslands/Háskólaútgáfan|bls=359-365}}</ref>.