„Bolungarvík“: Munur á milli breytinga

[[Bolungarvíkurkaupstaður|Bolungarvík]] er nyrsta byggð við sunnanvert [[Ísafjarðardjúp]]. Handan Djúpsins blasa við [[Vébjarnarnúpur]], [[Jökulfirðir]] og [[Grænahlíð]]. Við austanverðan [[Bolungarvíkurkaupstaður|bæinn]] er mikil sandfjara sem nefnist sandur og nær hann að Ósánni sem stendur við sveitabæinn Ós undir [[Óshyrna|Óshyrnu]]. Víkin sem bærinn Bolungarvík stendur við er að mestu umlukin háum og bröttum fjöllum. Fjallið [[Traðarhyrna]] gnæfir yfir kaupstaðnum og er mestur hluti byggðarinnar undir því. Nokkur snjóflóðahætta er úr fjallinu og hafa þar verið reistir snjóflóðavarnargarðarnir Vörður og Vaki. Fjallið [[Ernir]] er fyrir miðri [[Bolungarvík|Víkinni]], en úr honum falla oft firnamikil [[snjóflóð]]. Norðan við hann er [[Tungudalur inn af Bolungarvík|Tungudalur]] og [[Hlíðardalur inn af Bolungarvík|Hlíðardalur]] gengur inn úr honum. Sunnan Ernis gengur [[Syðridalur]], en í honum er [[Syðridalsvatn]]. Óshyrna er ysti hluti Óshlíðar þar sem áður var samgönguleið Bolvíkinga. Í Óshyrnu er þekktur klettur sem kallaður er Þuríður og er hann kenndur við landnámskonuna [[Þuríður sundafyllir|Þuríði sundafylli]]. Undir Óshyrnu er [[Ósvör]] en þar var fyrr á öldum mikil verstöð sem hefur verið endurgerð og er þar nú verbúð og minjasafn.