„Gunnar Kvaran“: Munur á milli breytinga

Gunnar hóf ungur að leika á hin ýmsu hljóðfæri undir handleiðslu Dr. [[Heinz Edelstein]] við Barnamúsikskólann í [[Reykjavík]]. Tólf ára gamall hóf hann nám við [[Tónlistarskólinn í Reykjavík|Tónlistarskólann í Reykjavík]] hjá [[Einar Vigfússon|Einari Vigfússyni]], sellóleikara. Árið [[1964]] lauk hann svo brottfararprófi frá Tónlistarskólanum í Reykjavík. Eftir það hélt hann til náms við Konunglega tónlistarháskólann í [[Kaupmannahöfn]] hjá hinum heimsþekkta [[Danmörk|dansk]]-íslenska sellóleikara [[Erling Blöndal Bengtsson]]. Þar ytra féllu honum ýmis verðlaun í skaut, þar á meðal tónlistarverðlaun kennd við Jacob Gade og hlaut hann námsstyrk tónlistarháskólans. Á árunum [[1968]]-[[1974]] starfaði hann sem [[kennari]] við sama skóla. Framhaldsnám stundaði Gunnar í [[Basel]] og [[París]] undir handleiðslu [[René Flachot]] og sótti meistaranámskeið hjá [[André]] Navarra og [[Gregor Piatigorsky]] í Danmörku og á [[Ítalía|Ítalíu]].

 

 

Gunnari hefur oft verið boðið að taka þátt í virtum tónlistarhátiðum vestan hafs jafnt sem austan þess, svo sem [[Killington Music Festival]] og [[Manchester Music Festival]], bæði sem flytjandi og kennari. Hann hefur margoft leikið einleik með [[Sinfóníuhljómsveit Íslands]], [[Sinfóníuhljómsveit Sjálands]] og [[Fílharmóníusveit Jótlands]] í Árósum. Honum hefur sömuleiðis verið boðið að halda tónleika í hátíðarsal [[Oslóarháskóli|Oslóarháskóla]] og hljómleikasal Síbelíusarakademíunnar í [[Helsinki]]. Sumrin [[1999]] og [[2000]] var honum einnig boðið að kenna og leika á tónlistarhátíð í [[Grikkland]]i. Í [[desember]] [[2001]] var honum boðið að koma fram ásamt Hauki Guðlaugssyni organista á sérstökum hátíðartónleikun í Vendrell á [[Spánn|Spáni]], fæðingarbæ [[Pau Casals i Defilló|Pau Casals]]. Þann dag voru 125 ár liðin frá fæðingu meistarans.