„Jóhanna af Örk“: Munur á milli breytinga

'''Jóhanna af Örk''' ([[franska]]: '''Jeanne d'Arc'''; um [[1412]] – [[30. maí]] [[1431]]), kölluð '''mærin frá Orléans''', var [[Frakkland|frönsk]] frelsishetja og [[dýrlingur]]. Hún hélt því fram að hún hefði fengið [[sýn]]ir frá [[Guð]]i sem skipuðu henni að vinna [[Frakkland]] undan [[England|enskum]] yfirráðum seint í [[Hundrað ára stríðið|Hundrað ára stríðinu]]. Hinn ókrýndi [[Karl 7. Frakkakonungur|Karl 7.]] sendi hana til [[umsátrið um Orléans|umsátursins um Orléans]] þar sem hún varð fræg fyrir að aflétta umsátrinu á aðeins níu dögum. Nokkrir fleiri sigrar leiddu til þess að Karl var krýndur í [[Reims]] og Frakkar fengu endurnýjað sjálfstraust. Hún var tekin höndum af Englendingum nærri [[Compiègne]] og var dæmd fyrir [[villutrú]] af dómi undir enska [[landstjóri|landstjóranum]] [[Jóhann hertogi af Bedford|Jóhanni hertoga af Bedford]] sem lét brenna hana í [[Rúðuborg]]. Tuttugu og fjórum árum síðar veitti [[Kallixtus 3.]] [[páfi]] henni [[uppreist æru]]. Hún var tekin í dýrlinga tölu af [[Benedikt 15.]] [[16. maí]] [[1920]].

{{commons|Jeanne d'Arc|Jóhönnu af Örk}}Jóhanna af Örk var fædd árið [[1412]], í Domrémy í [[Frakkland|Frakklandi]]. Hún var dóttir fátækra bænda, [[Jacques d 'Arc]] og [[Isabelle Romée]]. Jóhanna gekk aldrei í skóla. Hún kunni ekki að skrifa og var ólæs og talið var að bréf hennar hafi verið skrifuð með hjálp annarra.

Þegar Jóhanna af Örk var 13 ára byrjaði hún að fá [[Yfirnáttúrleiki|yfirnáttúrulegar]] [[trúarsýnir]]. Með tímanum urðu þær skýrari og þóttist hún sjá hin [[heilaga Mikael]], [[heilögu Katrínu]] og [[heilögu Margréti]]. Jóhanna sagði þau hvetja hana til að frelsa Frakkland, fá að hitta [[Karl VII]] konung og biðja um stuðning hans til að hrekja [[Englendingar|Englendinga]] frá Frakklandi og krýna Karl VII sem konung Frakklands.

Þann [[29. maí]] árið [[1431]] úrskurðaði [[dómstóll]] á vegum enska [[landstjórans]] í Frakklandi að Jóhanna væri sek um [[villutrú]]. Að morgni [[30. maí]] var hún [[brennd á báli]] á markaðstorginu í [[Rúðuborg]]. Hún var þá aðeins 19 ára gömul. Ýmsar [[goðsögur]] hafa orðið til um Jóhönnu eftir [[Dauði|andlát]] hennar. Ein þeirra segir frá því að hjarta hennar hafi ekki orðið eldinum að bráð og hafi fundist í öskunni óbrennt.

Eftir [[Aftaka|líflát]] Jóhönnu hélt [[Hundrað ára stríðið]] áfram í 22 ár til viðbótar. Karl VII boðaði til nýrrar rannsóknar á ásökunum Jóhönnu árið 1456. Niðurstaðan var að Jóhönna var sýknuð af öllum ásökunum um [[villutrú]] og útnefnd [[píslarvottur]]. Jóhanna var tekin í [[dýrlingatölu]] þann [[16. maí]] [[1920]] og er [[verndardýrlingur]] Frakklands.