„Notandi:Gormstunga/sandbox“: Munur á milli breytinga
Efni eytt Efni bætt við
Gormstunga (spjall | framlög) Ekkert breytingarágrip |
Gormstunga (spjall | framlög) |
||
Lína 1:
[[File:Retrobot.jpg|thumb|Plötuumslag Blackout, einu plötu RetRoBot. Á framhlið plötunnar er gítarleikarinn Mummi en myndina tók Gunnar Már Hauksson.]]
Hljómsveitin RetRoBot var skammlíf hljómsveit stofnuð árið 2011 af æskuvinunum og Rangæingunum Daða Frey Péturssyni, rafheili og söngvari, og Kristjáni Pálma Ásmundssyni, gítarleikari og söngvari. Ári síðar bættust í hópinn Selfyssingurinn Gunnlaugur Bjarnason, söngvari, og Guðmundur „Mummi“ Einar Vilbergsson, gítarleikari og fyrsta lagið sem hljómsveitin gaf út var lagið ''Generation''. 31. mars sama ár vann RetRoBot [[Músíktilraunir]] sem haldnar voru í Austurbæ. Sama ár gaf hljómsveitin út stuttskífuna ''Blackout'' sem var þeirra eina plata.
Lína 7 ⟶ 8:
RetRoBot hélt sína fyrstu tónleika þann 2. febrúar á kvöldvöku nemendafélags [[Fjölbrautaskóli Suðurlands|Fjölbrautaskóla Suðurlands]] í sal skólans en Daði, Gunnlaugur og Mummi eru allir brautskráðir þaðan. Þar spilaði hljómsveitin þrjú frumsamin lög, Generation, Electric Wizard og Lost og eina ábreiðu, lagið Sneaky Boots eftir hljómsveitina Kiriyama Family en í desember 2011 hafði Daði Freyr gert remix af laginu fyrir RetRoBot.
Seinna fylgdu
=== Músíktilraunir ===
RetRoBot tók þátt í Músíktilraunum í Austurbæ árið 2012. Hljómsveitin spilaði á þriðja undanúrslitakvöldina þann 25. mars og var kosin áfram af salnum en hljómsveitinni ''In the Company of Men'' var hleypt áfram af dómnefnd. Í umsögn [[Arnar Eggert Thoroddsen|Arnars Eggerts Thoroddsen]] í Morgunblaðinu
=== Frá Músíktilraunum til Mixophrygian ===
[[File:Retrobot ii.jpg|thumb|Smáskífa Something en myndina tók Brúsi Ólason af hljómsveitinni þegar hún var að spila á Þjóðhátíð í Eyjum.]]
Eftir sigurinn lá leiðin aftur heim á Suðurlandið þar sem RetRoBot var tekið fagnandi enda fyrsta hljómsveitin sem á rætur að rekja til Selfoss til að vinna Músíktilraunir. Fyrstu tónleikarnir eftir sigurinn voru í ungmennahúsinu Pakkhúsinu á Selfossi en það hafði verið aðalæfingaaðstaða RetRoBot fyrir Músíktilraunir og margra annarra. Seinna fékk hljómsveitin svo fjárstyrk frá Sveitarfélaginu Árborg upp á 50 þúsund krónur.
Sumarið 2012 spilaði hljómsveitin á flestum skemmtistöðum Reykjavíkur og annarra bæja á Íslandi. Í ágúst sama ár fór hljómsveitin svo út til Hollands og spilaði þar á [[Westerpop|Westerpop]] hátíðinni í [[Delft|Delft]]. Stuttu eftir Hollandstúr hljómsveitarinnar veiktist Gunnlaugur Bjarnason og var greindur með einkirningasótt og þurfti því að draga sig í stutt hlé. Hörður Már Bjarnason, betur þekktur undir nafninu ''M-Band'', leysti Gunnlaug af á meðan en RetRoBot og M-Band höfðu spilað mikið saman um sumarið. Gunnlaugur hafði meðal annars sungið lagið ''Love Happiness'' á fyrstu þröngskífu M-Bands og M-Band söng titillag Blackout.
Í október kom Blackout út og var henni vel tekið. Til dæmis skrifaði Björn Teitsson að platan væri „[f]ínasta frumraun hjá nýjustu útflutningsafurð Árborgar“<ref>„Elektró-indí frá Árborg“. Björn Teitsson. Fréttablaðið, 28. desember, 2012, bls. 28.</ref> og gaf henni þrjár stjörnur af fimm mögulegum.
Árið 2013 gaf RetRoBot svo út tvö ný lög, ''Insomnia'' og ''Something'' en einnig gáfu þeir út myndband fyrir fyrrnefnda lagið sem var leikstýrt og framleitt af Daða Frey en Atli Eyberg, vinur hljómsveitarmeðlimanna, fór með aðalhlutverk.
Hljómsveitin hélt áfram að halda tónleika árið 2013 en í mun minna mæli en þeir höfðu áður gert. Hljómsveitin kom síðast fram á Iceland Airwaves tónleikahátíðinni í nóvember 2013 en eftir það hætti hún að spila og hefur ekki komið opinberlega fram síðan.
Daði Freyr flutti til Berlínar á haustmánuðum 2014 og stofnaði einmenningshljómsveitina ''Mixophrygian'' og gaf út sína fyrstu plötu 2. september 2015.
| |||