„Muggur“: Munur á milli breytinga

'''Guðmundur Pétursson Thorsteinsson''', betur þekktur sem '''Muggur''', ([[5. september]] [[1891]] – [[27. júlí]] [[1924]]) var [[ísland|íslenskur]] [[myndlist|listamaður]] frá [[Bíldudalur|Bíldudal]], sonur athafnamannsins [[Pétur J. Thorsteinsson|Péturs J. Thorsteinssonar]] og Ásthildar Guðmundsdóttur. Knattspyrnumennirnir [[Samúel Thorsteinsson|Samúel]], [[Gunnar Thorsteinsson|Gunnar]] og [[Friðþjófur Thorsteinsson|Friðþjófur]] voru bræður Muggs.

Guðmundur fluttist til Danmerkur árið 1903 12 ára gamall með fjölskyldu sinni til Kaupmannahafnar. Hann bjó ýmist á Íslandi eða í Danmörku og ferðaðist mikið. Af helstu verkum Muggs má nefna klippimyndina Sjöundi dagur í Paradís en eftirprenntun af þeirri mynd er til víða, blýantsteikninguna Kossinn, altaristöfluna Kristur læknar sjúka sem er í Bessastaðakirkju, myndina Kolaburður af kolaburði kvenna í Reykjavík, en ekki tíðkaðist á Bíldudal að konur væru látnar skipa upp kolum, ólíumálverið Snæfellsjökull og Den bedrövede Prins eða Hryggi prinsinn. Hann vann fjölbreytt verkefni með olíu, vatnslitum, kolum og klippimyndum, meðal annars „Sjöundi dagur í Paradís“ sem er eitt af hans frægustu verkum og barnabókina ''[[Sagan af Dimmalimm]]''. Hann teiknaði margar myndir sem tengjast efni íslenskra þjóðsagna. Sumar þeirra eru mjög fyndnar og skemmtilegar. Hann teiknaði myndir af fólki og hann málaði myndir af blómum og landslagi. Hann myndskreytti líka íslensk [[spil]] sem voru fyrstu spilin á Íslandi og urðu mjög vinsæl.

Muggur var ekki einungis heillaður af myndlistinni heldur var hann afbragðs leikari og lék eitt af aðalhlutverkunum í fyrstu leiknu kvikmyndinni sem gerð var á Íslandi, ''[[Saga Borgarættarinnar (kvikmynd)|Sögu Borgarættarinnar]]'' janúar [[1921]]. Muggur stundaði listnám sitt í Danmörku í ''Det Kongelige danske Kunstakademi'' í Kaupmannahöfn árin 1911-1915, en hann fór víða í námsferðum sínum, meðal annars til Þýskalands, Bandaríkjanna og Ítalíu.