„Antonín Dvořák“: Munur á milli breytinga

'''Antonín Dvořák''' ([[8. september]] [[1841]] – [[1. maí]] [[1904]]) var [[Tékkland|tékkneskt]] [[Rómantík|rómantíkur]][[tónskáld]]. Hann var þekktur meðal annars fyrir notkun sína á þjóðlagastefjum í [[Sinfónía|sinfóníu]]– og [[kammertónlist]] sinni. Hann byrjaði að læra tónlist um leið og hann byrjaði í skóla sex ára gamall. Síðar lærði hann í eina orgelskólanum í [[Prag]] og varð á endanum þekktur [[Fiðla|fiðlu]]- og [[Víóla|víóluleikari]]. Dvořák hóf starfsferil sinn í tónlist sem víóluleikari í leikhúshljómsveit undir stjórn [[Bedřich Smetana]] en fór smám saman að snúa sér að tónsmíðum. Hann bjó í [[Bandaríkin|Bandaríkjunum]] í þrjú ár, [[1892]] – [[1895]], og kenndi tónsmíð í [[New York]] en á meðan dvöl hans stóð samdi hann sum af sínum þekktustu verkum svo sem [[Sinfónía frá nýja heiminum|Sinfóníu frá nýja heiminum]], Ameríkukvartettinn og [[Sellókonsert í h-moll (Dvořák)|sellókonsert í h-moll]]. Dvořák hafði tvímælalaust mikil áhrif á bandaríska tónlist, enda var það yfirlýst stefna hans að reyna að búa til einskonar þjóðlegan bandarískan „hljóm“ handa hinni nýju þjóð. Mikil og augljós áhrif af verkum hans má heyra í [[kvikmyndatónlist]] nútímans.