Reflex

Hljómsveitin Reflex var uppi 1980-1982 og kom fram víða á höfuðborgarsvæðinu. Hún spilaði m.a. á tröppum Menntaskólans í Reykjavík, á Melarokki, kom fram á fyrstu Músiktilraunum 1982 og komst þar í úrslit. Einnig spilaði hún ásamt hljómsveitinni Fjötum á Litla-Hrauni. Reflex spilaði eingöngu frumsamda rokktónlist af þyngri kantinum en gaf ekki út plötu þó svo hún hafi tekið upp nokkur laga sinna. Meðlimir Reflex voru Guðmundur Sigmarsson á gítar, Ólafur Friðrik Ægisson á bassa, Baldvin Örn Arnarson á trommur og Heimir Már Pétursson sem söng og samdi texta.