Munur á milli breytinga „Spjall:Andri Rúnar Bjarnason“

ekkert breytingarágrip
==Hvað gerir þessa grein markverða==
Andri Rúnar Bjarnason er einn af dáðustu ungu íþróttamönnum Ísafjarðarbæjar. Hann hefur haldið trú við félagið sitt og unnið sig inn í hjörtu bæjarbúa. Hann var valinn íþróttamaður Bolungarvíkur árið 2010, markahæsti leikmaður 2. deildar karla í knattspyrnu árið 2010. [[Notandi:Mcgrimlock|Mcgrimlock]] 24. febrúar 2012 kl. 16:04 (UTC)
:En er það nóg til að menn eigi að fá grein í Wikipediu? Ég tek fram að ég er alls ekki að fullyrða að svo sé ekki, þætti bara gott að fá fram umræðu um við hvað eigi að miða þegar t.d. íþróttamenn eru annars vegar. Og klausa eins og „Hann er bróðir Óttars K. Bjarnasonar, knattspyrnuáhugamanns“ gerir ekkert til að auka markverðugleika greinarinnar. --[[Notandi:Navaro|Navaro]] 23. febrúar 2012 kl. 15:59 (UTC)
:: Greinin á heima hér vegna þess að Andri er einn af merkilegri íþróttamönnum sem Ísafjarðarbær á. Ég setti inn þær viðurkenningar sem hann hefur hlotið til þess að rökstyðja greinina betur. {{óundirritað|Mcgrimlock}}24. febrúar 2012 kl. 16:04 (UTC)
::: Þetta er reyndar ekki mjög sannfærandi: Það er ekki sjálfgefið að merkilegasti íþróttamaður smábæjar á litlum skaga á hjara veraldar sé nógu merkilegur til að eiga erindi í alfræðirit. Ég skal taka aðeins ýktara — en vel að merkja alveg hliðstætt — dæmi til að sýna þetta: Ég er merkilegasti íþróttamaðurinn í herberginu sem ég er í akkúrat núna; ég vann t.d. verðlaun á einhverju sumarnámskeiði einhvern tímann í fyrndinni en auk þess er ég líka einn í herberginu svo að þetta er alveg borðleggjandi. Vandinn er að það er ekki þar með sagt að ég eigi erindi í alfræðirit fyrir það afrek mitt að vera merkasti íþróttamaðurinn í herberginu. Ísafjörður er kannski stærri en herbergið hérna en í stærra samhengi er hann það samt ekki. Það er ekkert sjálfgefið að „merkasti“ íþróttamaðurinn í einhverjum smábæ eigi erindi í alfræðirit bara af því að hann ber af öllum öðrum í smábænum. Nú tek ég undir með Navaro um að ég sé alls ekki að fullyrða neitt um verðleika þessa manns sem fjallað er um í greininni. En það þarf að rökstyðja markverðugleikann miklu betur en gert hefur verið. --[[Notandi:Cessator|Cessator]] 23. febrúar 2012 kl. 16:40 (UTC)
::: [[Wikipedia:Markverðugleiki|Hér]] er síða sem útskýrir almennu viðmiðin sem við höfum. Þú tekur eftir að það hefur ekki enn verið skrifuð undirsíða um íþróttamenn en hún er samt til á ensku [[:en:Wikipedia:Notability_(sports)|hérna]]. Samkvæmt þeim viðmiðum ætti þessi grein tæpast erindi í alfræðiritið. --[[Notandi:Cessator|Cessator]] 23. febrúar 2012 kl. 16:43 (UTC)
Fyrsta efnisgreinin er náttúrulega ekkert nema útúrsnúningar. Að vera kjörinn íþróttamaður bæjarfélags síns er mjög merkilegur heiður og þú skalt ekki fara að véfengja það. Ísafjarðarbær er 14. stærsta bæjarfélag landsins, og þar sem þú ert svo mikið fyrir það að taka dæmi sem er óraunveruleg, sem jafngildir Austin, höfuðborg Texas (14. stærsta borg í USA). Skilgreiningin sem þú vísar í um viðmiðin á markverðum knattspyrnumönnum getur tæpast átt við Ísland, þar sem engin atvinnumannadeild er hér á landi. Samkvæmt þeim stöðlum á enginn eða sárafáir knattspyrnumenn hér á landi rétt á því að eiga grein um sig. Það er dálítið skrýtið þar sem knattspyrna er vinsælasta íþrótt landsins. Andri hefur tekið þátt í annari af þeim keppnum sem teljast til hæsta keppnisstigs hér á landi, t.d. skoraði hann mark gegn Breiðablik í 8 liða úrslitum í Bikarkeppni KSÍ, og spilaði allan leikinn í undanúrslitaleik við KR síðastliðið sumar. Þeim leik var sjónvarpað frá "hjara veraldar" á Stöð 2 sport.
 
"Efni er markvert ef það er þekkt utan þröngs hóps áhugamanna eða ætti að vera það vegna mikilvægis þess eða áhrifa." Þetta stendur í fyrstu setningunni á íslensku marðverðuleikasíðunni. Andri er víðþekktur í fótboltaheiminum á Íslandi og allir þeir sem eru vel að sér í íslenskri knattspyrnu vita hver hann er. Hinir, ættu að kynna sér hann og þessvegna er greinin gerð. {{óundirritað|Mcgrimlock}}24. febrúar 2012 kl. 16:04 (UTC)
 
: Já, Austin er 14. stærsta borg Bandaríkjanna en hún er líka ein og sér fjölmennari en allt Ísland. Punkturinn stendur, hann er sá að það sé ekki sjálfgefið að einhver frá smábæ eða smáríki eins og Íslandi sé markverður bara fyrir það að skara fram úr öðrum á staðnum. Viðmiðin sem ég vísa í eru almenn fyrir Wikipediu (mundu að íslenska Wikipedian er ekki íslensk Wikipedia heldur (bandarísk) Wikipedia skrifuð á íslensku). Íslenskir landsliðsleikmenn eru skv. þessum viðmiðum markverðir og sömuleiðis íslenskir knattspyrnumenn sem hafa verið í atvinnumennsku (erlendis); þeir eru all nokkrir. --[[Notandi:Cessator|Cessator]] 24. febrúar 2012 kl. 01:57 (UTC)
: Auðvitað er það ekki sjálfgefið. Það er óraunhæft að miða við þessar viðmiðunarreglur sem eru í enska ritinu, þ.e.a.s. að íþróttamaður þurfi að vera atvinnumaður til þess að teljast markverður. Forsendur fyrir atvinnumennsku í íþróttum á Íslandi eru litlar sem engar. Ef að leikmaðurinn væri að spila í 1. deild í öðru evrópulandi en Íslandi þá væri hann án efa atvinnumaður í íþróttinni. Þar með verður íþróttalífið alveg úti í markverðaleika og stendur höllum fæti gagnvart t.d. tónlistarmönnum eða listamönnum. Þess vegna tel ég að það séu forsendur fyrir því að stíga út fyrir þennan þrönga skilgreiningarramma sem þarna er skrifaður. Þar að auki er maðurinn fullkomnlega markverður samkvæmt aðalsetningu íslensku markverðuleikasíðunni. [[Notandi:Mcgrimlock|Mcgrimlock]] 24. febrúar 2012 kl. 16:04 (UTC)M
33

breytingar