„Sófókles“: Munur á milli breytinga

[[Mynd:Sophokles.jpg|thumb|right|140px|Sófókles]]

'''Sófókles''' (495/496–406 f.Kr.) var einn af þremur mestu harmleikjahöfundum [[Grikkland hið forna|Forn-Grikkja]] ásamt Æskýlosi og Evrípidesi. Fyrstu verk hans eru yngri en verk Æskýlosar en eldri en Evrípidesar. Sófókles mun hafa verið afkastamikið skáld og er talið að hann hafi samið allt að 123 leikrit. Af þeim eru aðeins sjö varðveitt, það eru ''Antigóna'', ''Ödipús konungur'', ''Elektra'', ''Ajax'', ''Trakynjur'', ''Fíloktetes'' og ''Ödipús í Kolónos''. Sófókles naut mikillar virðingar samtímamanna sinna og hlaut oftar en nokkur annar verðlaun fyrir leikrit sín á Lenaju- og Díonýsosarhátíðunum. Þá mun hann hafa tekið þátt í fjölmörgum leikritakeppnum og aldrei lent neðar en í öðru sæti.