Breiðbandið er hljómsveit úr Keflavík sem blandar saman uppistandi og tónlist. Hljómsveitin starfaði mest á árunum 2003 til 2013 en hefur komið fram við sérstök tækifæri eftir það. Nafnið á hljómsveitina er tilvísun í það að allir séu hljómsveitarmeðlirnir í þyngri kantinum.[1]
Breiðbandið logoFyrir útsendingartæknina, sjá breiðband.
Allir meðlimir hljómsveitarinnar hafa þekkst frá unglingsárum og meðal annars tekið þátt í tónlistar og leiklistar starfi á framhaldsskóla árum. Sú ákvörðun um að hittast og gera eitthvað í tónlist á fullorðins árum fæddist á herrakvöldi Körfuknattleiksdeildar Keflavíkur 27. desember 2002. Þar höfðu Magnús og Rúnar komið fram og spilað nokkur grínlög með texum um Keflvíska körfuboltakappa. Meðlimir sveitarinnar hittust svo í febrúar 2003 og fyrsta hugmynd var að gera söngbók með skemmtilegum lögum. Hugmynd að nafni á þessa partí-söngbók var "Ekkert helvítis stál og hnífur eða Jósep, Jósep".
Skömmu eftir þetta var Rúnar beðin um aðstoð við að semja ræðu sem flytja átti í brúðkaupi. Í sínu þekkta bráðlæti skellti Rúnar því fram hvort það væri ekki sniðugt að þeir félagar myndu semja sniðuga texta um brúðarhjónin og skella við þekkt lög og flytja í brúðkaupinu og þá þyrfti ræðuhaldarinn lítið að segja. Þessi kostaboði var tekið með miklum fögnuði. Nýja hljómsveitin kom fram undir nafninu H.......
Ákveðið var að semja eigin lög með gríntextum og þetta fyrsta starfsár fæddust svo til ný lög á hverri æfingu. Nafninu var breytt í Breiðbandið enda takmarkaður markhópur að spila bara í brúðkaupum. Breiðbandið hafði nóg að gera næstu árin. Flestar helgar voru bókaðar og það kom til að skemmt var á þrem stöðum sama kvöldið.[heimild vantar]
Lagið "Hvað er það við jólin" var samið í aðdraganda jólana 2003. Lagið veltir því upp afhverju konur þurfa að fara á taugum fyrir jólin. Lagið var tekið upp í Geimstein sem er í næsta nágrenni við æfingahúsnæði hljómsveitarinnar. Upptökustjóri var hinn landsþekkti tónlistarmaður Sigurður Halldór Guðmundsson sem lengi hefur verið kenndur við hljómsveitina Hjálma. Lagið var svo sent í jólalagakeppni Rása 2 og endaði þar í þriðja sæti og fékk nokkra spilun.[heimild vantar]
Lagið "Elsku Helga Möller" fjallar um að jólin byrja ekki fyrr en þú hefur heyrt eitt jólalag með Helgu Möller en meðlimir Breiðbandsins eru mikil jólabörn og miklir aðdáendur Helgu Möller. Lagið er með fjölmargar skírskotanir í þekktustu jólalög Helgu.
Í maí 2018 þegar hljómsveitin varð 15 ára voru haldnir tónleikar sem eru nú aðgengilegir á Youtube. Hilmar Bragi Bárðarson sá um myndatöku og á allan heiður af því að tónleikarnir eru aðgengilegir og komandi kynslóðir geta notið.
Breiðbandið hefur gert nokkur myndbönd við sín vinsælustu lög og eru þau öll á Youtube.
Hafnargatan - fjallar um það menningargildi sem þessi aðalgata í Keflavíkur hefur haft í gegnum árin.
Popppunktur - fjallar um þann stóra draum Breiðbandsins að komast í sjónvarpsþáttinn Popppunkt. Lagið gerði það að verkum að hljómsveitin komst í þáttinn.
Hún fór frá mér - fjallar um sambandsslit vegna ástar úr óvæntri átt.
