Búnaðarbálkur (Eggert Ólafsson)

Búnaðarbálkur er 160 erinda kvæði um mann sem hét Geirdrjole Hansen sem Eggert Ólafsson orti á 18. öld. Það tilheyrir upplýsingaröldinni og er hugsað sem leiðbeiningar um búskaparhætti og tileinkaði Eggert mági sínum, séra Birni Halldórssyni í Sauðlauksdal verkið.

Kvæðið skiptist í þrjá hluta

Fyrsti hluti

Fyrsti hlutinn nefnist Eymdaróður og þar lýsir Eggert dökkum hliðum þjóðlífs, sakar fólk sinnar samtíðar um heimsku í stað visku og gagnrýnir hjátrú og fáfræði. Í Eymdaróði er lýst drungalegu lífi hjá hjátrúarfullum og lötum bónda. Notar Eggert óspart orð eins og myrkur og þoka um líf hans. Eggert hvetur til að á heimilum sé guðrækni í hávegum höfð og að húslestrar séu stundaðir ásamt sálmasöng.

Annar hluti

Annar hluti kallast Náttúrulyst og fjallar um ungan mann sem stofnar bóndabýli og hvernig fyrstu árin séu fátækleg og erfið uppdráttar og hvernig vinnan göfgar manninn.

Þriðji hluti

Þriðji hlutinn ber nafnið Munaðardæla og er þar fjallað um hve gott það sé að koma heim þar sem vinnukona hans tekur á móti honum ásamt börnum hans, hvernig hún skuli hafa þau til og hugsa um búið, hve mikið þau sakni hvers annars.