Austurglugginn

Austurglugginn er vikublað sem gefið hefur verið út á Austurlandi frá árinu 2002 af Útgáfufélagi Austurlands, sem heldur jafnframt úti vefmiðlinum Austurfrétt. Blaðið varð til við sameiningu Austra, málgagns Framsóknarmanna á Fljótsdalsheraði og Austurlands, málgagns Alþýðubandalagsins á Austurlandi. Við samrunan átti að koma á fót öflugu, óháðu landshlutablaði.

Fyrsti ritstjóri Austurgluggans var Brynjólfur Þorvarðarson, en í dag ritstýrir Gunnar Gunnarsson bæði Austurglugganum og Austurfrétt.is.