American Basketball League (1996–1998)

American Basketball League, skamstafað ABL, var bandarísk atvinnumannadeild kvenna í körfuknattleik sem stofnuð var árið 1995. Á sama tíma og deildin var stofnuð, var NBA-deildin að undirbúa stofnun Women's National Basketball Association (WNBA). ABL hóf leik haustið 1996, á meðan WNBA lék sinn fyrsta leik í júni 1997. Báðar deildirnar voru stofnaðar í kjölfar mikils áhuga á kvennakörfubolta í Bandaríkjunum eftir að bandaríska háskólaliðið Connecticut Huskies fór taplaust í 35 leikjum í gegnum 1994–1995 tímabilið ásamt því að bandaríska kvennalandsliðið vann gull á Sumarólympíuleikunum 1996.

ABL hélt úti í tvö og hálft tímabil áður en deildin varð undir í samkeppninni við WNBA. Atlanta Glory og Long Beach Stingrays duttu út við upphaf tímabilsins 1998–99 en í staðinn bættust við Chicago Condors og Nashville Noise. Þann 22. desember 1998, næstum án viðvörunar, lýsti deildin yfir gjaldþroti. Á þeim tímapunkti hafi vvert lið hafði spilað á milli 12 og 15 leiki á 1998-99 tímabilinu.