Alþjóðasamskipti
Alþjóðatengsl, alþjóðasamskipti eða alþjóðastjórnmál felast í stjórnmálalegum, efnahagslegum og félagslegum tengslum milli ríkja. Formleg samskipti ríkja má rekja til borgríkja Súmer í fornöld. Undir alþjóðatengsl falla alþjóðleg samskipti stjórnareininga eins og fullvalda ríkja, stjórnmálaflokka, alþjóðastofnana og fjölþjóðafyrirtækja og þau heimskerfi sem þessi tengsl skapa.
![](http://upload.wikimedia.org/wikipedia/commons/thumb/d/d8/United_Nations_Flags_-_cropped.jpg/220px-United_Nations_Flags_-_cropped.jpg)
Rannsóknir á alþjóðatengslum má rekja til gríska sagnaritarans Þúkýdídesar. Alþjóðatengsl eru háskólagrein sem oft er kennd sem undirgrein stjórnmálafræði.