Passífar rásir

Passífar (eða óvirkar) rásir eru flokkur rafrása, sem eru „hlutlausar“ varðandi orku. Þær gefa frá sér jafna eða minni orku en þær hafa tekið við. Nema um sé að ræða ofurleiðara, breytist hluti aðfenginnar orku í varma innan rásarinnar. Þær geta þá aðeins gefið frá sér hluta aðfenginnar orku. Rásir úr passífum íhlutum eru sjálfkrafa passífar, en virkar rásir geta hermt eftir passífum rásum, þótt sjaldgæft sé. Línulegar passífar rásir eru einn flokkur passífra rása, sem nota einungis línulega íhluti. Ekkert hindrar þó notkun ólínulegra íhluta í passífum rásum, en það er óalgengara.

Helstu íhlutar passífra rása:

Passífur íhlutur	Almennt	Tákn	SI Heiti - Eining	Stærðfræðilega	Orkugeymd
Viðnám	Viðnám gegn rafstraumi, því hærra viðnám, því minni straumur og öfugt.	R	Viðnám Ohm (Ω)	Ohms lögmál, straumur og spenna eru í réttu og línulegu hlutfalli við hvort annað og viðnám er hlutfallið milli spennu og straums $R=U/I$	Engin, aflið $P=I^{2}R=U^{2}/R$ breytist í varma.
Spóla	Straumur í spólunni framkallar segulflæði, sem í er orka. Þegar strauminn breytist leiðir sjálfspan spólunnar til gagnspennu , sem vinnur gegn straumbreytingunni. Þetta leiðir til spanviðnámsins $X_{L}$ gegn riðstraumi, sem vex línulega með tíðni.	L	Sjálfspan Henry (H)	$L=\Phi /I$ $u(t)=d\Phi /dt$ $X_{L}=\omega L=2\pi fL$	${\frac {1}{2}}LI^{2}$
Þéttir	Straumur í þéttinum byggir upp spennu og rafsvið, sem í er orka. Breytilegur straumur mætir rýmdarviðnáminu $X_{C}$, sem er í öfugu hlutfalli við tíðni.	C	Rýmd Farad (F)	$C=Q/U$ $i(t)=dQ/dt$ $X_{C}=1/\omega L=1/2\pi fL$	${\frac {1}{2}}CU^{2}$
Memristor	Ólínulegt kvikt viðnám með einskonar minni, sem tekur mið af fyrrverandi rafsviði og segulsviði. Fyrst lýst af Cheon Lua árið 1971, sem loka passíf viðbót við þríeykið viðnám-spóla-þéttir, sem fyrir var.
Spennir	Umhverfis spólu er segulsvið, sem spanar spennu í nálægum spólum. Þetta er sérstaklega nýtt í spennubreytum. Góð kúpling segulflæðis frá forvafi yfir í eftirvaf er þá oft fengin með aðstoð járn- eða annars segulmagnanlegs kjarna.
Díóða	Díóða er hér talin með, sem fulltrúi viðnáma, sem Ohms lögmálið gildir ekki um.
		U	Spenna - Volt
		I	Straumur - Amper
		P	Afl - Wött
		$X_{L}$	Spanviðnám - Ohm (Ω)
		$X_{C}$	Rýmdarviðnám - Ohm (Ω)
		$\Phi$	segulflæði - Weber
		Q	rafhleðsla - Coulomb
		f	tíðni - Hertz

NB! Athyglisverð samhverfa eða tvídd, sé skipt á straumi og spennu, hleðslu og segulflæði, viðnámi og andhverfunni (leiðni).