Fáni Skotlands

(Endurbeint frá Skoski fáninn)

Fáni Skotlands (skosk gelíska: bratach na h-Alba, skoska: Banner o Scotland), einnig kallaður Andrésarkrossinn eða Saltire, er blár með hvítum skákrossi. Fáninn er dreginn að húni við öll hús skosku ríkisstjórnarinnar á hverjum degi, frá kl. 8.00 að morgni til sólseturs, en á þeirri reglu eru þó nokkrar undantekningar.

Fáni Skotlands

Samkvæmt þjóðsögu var heilagur Andrés, kristinn postuli, píslarvottur og verndardýrlingur Skotlands, festur á X-laga kross. Elstu merki um að krossinn hafi verið notaður í konungsríkinu Skotlandi sem tákn fyrir dauða hans eru frá árinu 1180. Fram á 14. öld var einfaldur kross notaður, en í júní 1385 lýsti skoska þingið yfir því að skoskir hermenn í Frakklandi skyldu hafa hvítan kross bæði framan og aftan á búningi sínum til auðkenningar.

  Þessi grein er stubbur. Þú getur hjálpað til með því að bæta við greinina.