San Marínó (borg)

Höfuðborg San Marínó
(Endurbeint frá San Marínó, San Marínó)

San Marínó er höfuðborg örríkisins San Marínó en er þó í raun aðeins þorp með um 4.200 íbúa (31. des 2012), í vesturhlíðum fjallsins Monte Titano. Það er ekki fjölmennasti þéttbýlisstaður ríkisins, þorpin Dogana og Borgo Maggiore eru stærri.

Virkisturninn Guatia gnæfir yfir San Marínó og var talinn óvinnandi, enda tókst örríkinu alla tíð að halda sjálfstæði sínu.

Heilagur Marínus og aðrir kristnir flóttamenn settust þarna að árið 301 og stofnuðu þorpið og jafnframt lýðveldið San Marínó, sem upphaflega náði aðeins yfir þorpið og næsta nágrenni en íbúarnir stækkuðu smám saman ríkið með kaupum og samningum uns það náði yfir allar hlíðar og topp Monte Titano. Bærinn er mjög vinsæll ferðamannastaður og þangað koma um þrjár milljónir ferðamanna árlega.