Samband ungra sjálfstæðismanna
Samband ungra sjálfstæðismanna (skammstafað SUS) var stofnað á Þingvöllum 27. júní 1930. SUS er samband allra svæðisbundinna sjálfstæðisfélaga ungs fólks á aldrinum 15 til 35 ára. Félögin eru 38 talsins, og af þeim er Heimdallur í Reykjavík stærsta félagið.
Sambandsþing eru haldin annað hvert ár í ágúst eða september þar sem formaður og 26 stjórnarmenn úr öllum kjördæmum landsins eru kjörnir til tveggja ára. Þess á milli eru haldin málefnaþing. Stjórnin hittist að jafnaði mánaðarlega. Framkvæmdastjórn, sem fer með daglegan rekstur sambandsins kemur saman vikulega. Skrifstofa sambandins er í Valhöll við Háaleitisbraut 1, Reykjavík.
SUS hefur gefið út tímaritið Stefni frá 1950. Stefnir er tímarit um stjórnmál og þjóðmál og var á tímabili eina rit sinnar tegundar á Íslandi.
Núverandi formaður SUS er Ingvar Smári Birgisson en hann var kjörinn formaður á sambandsþingi SUS á Eskifirði þann 10. september 2017.
Aðildarfélög SUSBreyta
| Félag | Staður |
|---|---|
| Þór | Akranesi |
| Vörður | Akureyri |
| Jörundur | Blönduósi |
| Mímir | Bolungarvík |
| FUS | Dalasýslu |
| Verðandi | Dalvík |
| Lögurinn | Egilsstöðum |
| Hávarr | Eskifirði |
| Njörður | Fjallabyggð |
| Huginn | Garðabæ |
| Loki | Garði |
| Freyja | Grindavík |
| Gjafi | Grundarfirði |
| Stefnir | Hafnarfirði |
| Fjölnir | Hellu |
| Höfn | Hornafirði |
| Mjölnir | Húsavík |
| Bersi | Hvammstanga |
| Askur | Hveragerði |
| Fylkir | Ísafirði |
| Týr | Kópavogi |
| Viljinn | Mosfellsbæ |
| Egill | Mýrasýslu |
| Heimir | Reykjanesbæ |
| Heimdallur | Reykjavík |
| Víkingur | Sauðárkróki |
| Hersir | Selfossi |
| Baldur | Seltjarnarnesi |
| Óðinn | Seyðisfirði |
| Forseti | Snæfellsbæ |
| Sif | Stykkishólmi |
| Eyverjar | Vestmannaeyjum |
| Hjörleifur | Vík |