Súdanska karlalandsliðið í knattspyrnu

Súdanska karlalandsliðið í knattspyrnu
Gælunafn	Ritarafuglarnir
Íþróttasamband	(Arabíska: الإتحاد السوداني لكرة القدم) Knattspyrnusamband Súdan
Álfusamband	CAF
Þjálfari	Burhan Tia
Fyrirliði	Salah Nemer
Leikvangur	Khartoum leikvangurinn
FIFA sæti; Hæst; Lægst	120 (19. september 2024); 74 (des. 1996) ; 164 (júlí 2017)
Heimabúningur	Útibúningur
Fyrsti landsleikur
	5-1 gegn Eþíópíu, 13. maí 1956.
Stærsti sigur
	15-0 gegn Múskat og Óman, 2. sept. 1965.
Mesta tap
	0-8 gegn Suður-Kóreu, 10. sept. 1979.

Súdanska karlalandsliðið í knattspyrnu er fulltrúi Súdan í knattspyrnu og er stjórnað af knattspyrnusambandi landsins. Liðið hefur aldrei komist í úrslitakeppni HM en fór með sigur af hólmi í Afríkukeppninni árið 1970 á heimavelli.

Saga

Knattspyrnusamband Súdan var stofnað árið 1936 og er því eitt elsta slíka sambandið í Afríku, en knattspyrna hafði borist til landsins með Bretum í upphafi tuttugustu aldar. Árið 1948 gerðist sambandið aðili að FIFA og deildarkeppni var komið á laggirnar í höfuðborginni Kartúm og næsrsveitum árið 1952. Fyrsti landsleikurinn fór fram árið 1956 gegn Eþíópíu og lauk honum með 5:1 sigri.

Árið eftir var Súdan meðal stofnenda Knattspyrnusambands Afríku og gestgjafar í fyrstu Afríkukeppninni þar sem Súdanir töpuðu sínum fyrsta og eina leik.

Álfumeistarar 1970

Súdanir voru í hópi sterkustu knattspyrnuþjóða Afríku næstu fimmtán árin og höfðu þá á að skipa fjölda öflugra leikmanna. Liðið freistaði þess að komast á á HM í Svíþjóð 1958 og stefndi í úrslitaleik við Ísrael um að vera fulltrúi Afríku og Asíu á mótinu, en þar sem Súdan viðurkenndi ekki tilvist Ísraelsríkis neyddist knattspyrnusambandið til að gefa leikinn.

Í Afríkukeppnunum 1959 og 1963 hafnaði Súdan í öðru sæti. Þegar mótið var haldið á ný í Súdan árið 1970 varð liðið Afríkumeistari í fyrsta sinn. Tveimur árum síðar tók Súdan þátt í knattspyrnukeppni ÓL í München 1972, en tapaði öllum þremur leikjunum.

Þegar komið var fram á áttunda áratuginn tók Súdan að dragast aftur úr á knattspyrnusviðinu. Liðið komst ekki í úrslit Afríkukeppninnar á milli 1976 og 2008. Súdanska liðið hefur sömuleiðis aldrei verið nærri því að komast í úrslitakeppni HM.