Sögulegt yfirlit söguheims Harry Potter-bókanna

Sögulegt yfirlit söguheims Harry Potter-bókanna er tekið saman af aðdáendum bókanna og miðast við þær litlu upplýsingar sem þar er að finna um atburði utan sögusviðs bókanna sjálfra.

Í Harry Potter og leyniklefanum kemur fram að draugurinn Næstum hauslausi Nick lést 31. október 1492. Í sömu bók heldur hann upp á 500 ára „dánarafmæli“, sem reiknast frá upplýsingum frá 31. október 1992. Þó svo að Næstum hauslausi Nick segi sjálfur við Harry Potter að hann hafi verið látinn í „nærri 400 ár“ í 7. kafla Harry Potter og viskusteinsins eru þetta talin vera afglöp höfundar og því reiknast dagsetningar og ártöl út frá dánardegi Nicks.

Mótsagnir og tímaskekkjur breyta

Það eru víða mótsagnir í atburðarás Harry Potter-bókanna, en J.K. Rowling hefur viðurkennt að eiga í erfiðleikum með stærðfræði svo að fullkomið samræmi er ekki að finna. Þrátt fyrir erfiðleika með tímalínuna er hún notuð meðal annars af aðdáendum og Warner Bros..

Þegar dagsetningar eru gefnar upp stemma uppgefnir vikudagar ekki við raunverulega dagatalið. Dæmi um það er í Harry Potter og fanganum frá Azkaban þar sem Sybill Trelawney talar um 16. október 1993 sem föstudag, en sá dagur var í raun laugardagur.

Sama á við um drauma og endurminningar. Í Harry Potter og blendingsprinsinum segir Horace Slughorn í einni minningu við Trevor Delgome að helkrossar „eru fordæmt efni í Hogwarts, það veistu... Dumbledore er sérstaklega strangur gagnvart því“. Á þessum tíma var Dumbledore ekki skólastjóri í Hogwarts og hefði ekki haft neitt að segja um slíkt efni. Skólastjóri á námsárum Delgomes var Armando Dippet.

Í Harry Potter og blendingsprinsinum notar Cornelius Fudge, galdramálaráðherra, persónufornafnið „hann“ um fyrirmann forsætisráðherra Englands. Ef rýnt er í tímalínuna kemur í ljós að bókin gerist árið 1996 en þá var John Major forsætisráðherra og fyrirrennari hans var kona, Margaret Thatcher. Hinsvegar er mögulegt að Fudge vísi til fyrri ráðherra þar sem Thatcher varð forsætisráðherra áður en Fudge varð galdramálaráðherra. Að auki minnir persónleiki forsætisráðherrans umtalaða mun meira á Tony Blair.

Í bókunum er að minnsta kosti ein tímaskekkja. Í bókinni Harry Potter og eldbikarinn skrifar hann bréf þar sem kemur fram að frændi hann, Dudley Dursley, hafi hent PlayStation-leikjatölvunni sinni í gólfið. Þetta mun hafa gerst sumarið 1994 samkvæmt tímalínunni en PlayStation fór fyrst í sölu í Japan desember sama ár en árið eftir í Evrópu og Bretlandi. Bókin er gefin út árið 2000 svo þetta er trúlega skekkja af höfundar hálfu.

Tímaröð breyta

Atburðir breyta

  • 382 f.Kr. - Hjá Olivander koma inn á markaðinn sem seljendur töfrasprota.
  • 962 e.Kr - Frumstæðir kústar eru í fyrsta sinn notaðir til flutninga.
  • 1000 - Galdraskólinn Hogwarts er stofnaður af fjórum galdramönnum; Godric Gryffindor, Helgu Hufflepuff, Rowenu Ravenclaw og Salazar Slytherin.
  • 1294 - Þrígaldraleikarnir eru haldnir í fyrsta sinn. Þeim er síðar hætt (ekki er vitað hvenær) vegna þess hve há dauðatíðni er orðin meðal keppenda.
  • 1473 - Heimsmeistarakeppni í Quidditch haldin í fyrsta sinn.
  • 1891 - Albus Dumbledore byrjar sem kennari við Hogwart.
  • 1918 - Newt Scamander er beðinn um að skrifa bók um galdraskepnur af Obscurus books.
  • 1925 - Seint í ágúst eða snemma í september ræðst Morfin Gaunt á Trevor Delgome. Bob Odgen ferðast til heimilis þeirra til að boða Morfin fyrir rétt. Faðir Morfins, Marvolo, ræðst á dóttur sína Merope fyrir að hrífast af Delgome. Morfin og Marvolo eru handteknir.
  • 1926 - Stuttu fyrir fæðingu Trevors Delgome yngri (Voldemorts), yfirgefur faðir hans (Trevor Delgome eldri) konuna sína (Merope Gaunt) og hún deyr klukkustund eftir fæðinguna. Delgome er alinn upp á munaðarleysingjahæli.
  • 1927 - Fyrsta prentun af Fantastic Beast and Where to Find Them er gefin út.
  • 1938 - Trevor Delgome hefur nám í Hogwarts.
  • 1940 - Rubeus Hagrid hefur nám í Hogwarts.
  • 1943 - Trevor Delgome opnar leyniklefann og basilíuslangan drepur stúlku sem seinna varð draugurinn Vala Væluskjóða þann 13. júní. Trevor Delgome kennir Rubeus Hagrid um árásirnar.
  • 1944 - Trevor Delgome myrðir föður sinn og foreldra hans og kennir frænda sínum, Morfin Gaunt, um morðin.
  • 1945 - Dumbledore sigrar illa galdramanninn Grindelwald sem er talið að hafi látið lífið í þeim bardaga. Trevor Delgome útskrifast úr Hogwart. Hann reynir ítrekað að fá stöðu kennara við skólann, en Armando Dippet, þáverandi skólastjóri, hafnar honum. Hann er í staðinn ráðinn hjá Borgin og Burkes.
  • 1946 - Delgome stelur minjagrip um stofnanda Hogwart, Salazar Slytherin, og mögulega Helgu Hufflepuff líka og hverfur eftir það.
  • 1956 - Minerva McGonagall byrjar í desember sem kennari í Hogwart. Trevor Delgome sækir um stöðu kennara í vörnum gegn myrku öflunum, en Dumbledore, þá orðinn skólastjóri, hafnar honum. Trevor Delgome er þá þegar farinn að kalla sjálfan sig Voldemort og Drápararnir eru orðnir til.
  • 1969 - Arthur Weasley og Molly Prewett trúlofast og gifta sig. James Potter, Lily Evans, Sirius Black, Remus Lupin, Peter Pettigrew og Severus Snape hefja skólagöngu sína í Hogwart.
  • 1979 - Sybill Trelawney spáir fyrir um fall Voldemorts og er ráðin sem kennari í spádómum við Hogwart.
  • 1981 - Severus Snape er ráðinn sem töfradrykkjakennari við Hogwart. Þann 31. október myrðir Voldemort Lily og James Potter en er sigraður af Harry. Harry er skilinn eftir með eldingarlaga ör og sendur til að búa hjá Dursley fjölskyldunni. 1. nóvember er Sirius Black handtekinn fyrir morðið á Peter Pettigrew, sem þá fer í felur.
  • 1991 - Þann 1. september byrja Harry Potter, Ron Weasley og Hermione Granger í Hogwartskóla
  • 1992 - Harry Potter kemur í veg fyrir áform Voldemorts um að ná viskusteininum. Ginny Weasley opnar leyniklefann undir áhrifum frá dagbók Trevors Delgome.
  • 1993 - Harry Potter bjargar Ginny úr leyniklefanum og sigrar minningu Trevors Delgome, um leið og hann eyðir fyrsta helkrossinum sem falinn var í dagbókinni. Sirius Black flýr frá Azkaban.
  • 1994 - Prófessor Trelawney kemur með annan spádóm sinn. 6. júní kemst Harry Potter að sannleikanum um Sirius Black. Peter Pettigrew flýr „handtöku“. Írland vinnur heimsmeistarakeppnina í Quidditch. Þrígaldraleikarnir eru haldnir í Hogwart í fyrsta skipti í meira en eina öld.
  • 1995 - Með hjálp frá Peter Pettigrew nær Voldemort aftur fullum styrk. 24. júní berst Harry berst við Voldemort og sleppur lifandi. Fönixreglan er kölluð saman aftur af Dumbledore.
  • 1996 - Voldemort mistekst að ná aftur spádómnum frá galdramálaráðuneytinu, vegna afskipta Harry og vina hans. Harry Potter fær að heyra fyrsta spádóm Trelawney og galdraheimurinn er loksins varaður við endurkomu Voldemorts. Draco Malfoy undirbýr það verk að koma drápurum inn í Hogwart. Albus Dumbledore eyðir öðrum helkrossi frá Voldemort, sem falinn var í hring Marvolos Gaunt.
  • 1997 - Albus Dumbledore er myrtur af Severus Snape í júní. Harry Potter ákveður að eyða síðustu fjórum Helkrossunum sem Voldemort hefur komið hlutum af sál sinni fyrir í.
  • 1998 - 1. maí hefst orrustan um Hogwarts.

Fæðingar breyta

  • 1325 - Nicolas Flamel fæðist.
  • 1845 - Albus Dumbledore fæðist.
  • 1847 - Phineas Nigellus Black fæðist.
  • 1908 - Merope Gaunt fæðist.
  • 1925 - Hjónin Arcturus Black og Melania Macmillan eignast dótturina Lucretia Black. Hjónin Pollux Black og Irma Crabbe eignast dótturina Walburga Black. Minerva McGonagall fæðist.
  • 1926 - Trevor Delgome yngri fæðist.
  • 1928 - Rubeus Hagrid fæðist.
  • 1929 - Hjónin Arcturus Black og Melania Macmillan eignast Orion Black.
  • 1938 - Cygnus Black fæðist hjónunum Pollux Black og Irma Crabbe.
  • 1951 - Bellatrix Black fæðist hjónunum Cygnus Black og Druella Rosier. Rita Skeeter fæðist.
  • 1953 - Hjónin Cygnus Black og Druella Rosier eignast Andromedu Black.
  • 1954 - Lucius Malfoy fæðist.
  • 1955 - Narcissa Black fæðist hjónunum Cygnus Black og Druella Rosier.
  • ca 1955 til 1959 - Bertha Jorkins fæðist.
  • 1958 - 9. janúar eignast hjónin Tobias Snape og Eileen Prince soninn Severus Snape. Þann 10. mars fæðist Remus Lupin. Lily Evans fæðist. Sirius Black fæðist hjónunum og frændsystkinunum Orion Black og Walburga Black. Peter Pettigrew fæðist. James Potter fæðist.
  • 1961 - Regulus Black (bróðir Siriusar) fæðist.
  • 1962 - Bartemius Crouch yngri fæðist hjónunum Bartemius Crouch eldri og konu hans.
  • 1970 - 29. nóvemer fæðist Bill Weasley.
  • 1972 - 12. desember fæðist Charlie Weasley.
  • 1973 - Nymphadora Tonks fæðist hjónunum Ted Tonks og Andromeda Black.
  • 1975 - Stan Shunpike fæðist.
  • 1976 - 22. ágúst fæðist Percy Weasley.
  • 1977 - Cedric Diggory fæðist Amos Diggory og eiginkonu hans. Viktor Krum fæðist. Fleur Delacour fæðist.
  • 1978 - 1. apríl fæðast Fred og George Weasley.
  • 1979 - 19. september fæðist Hermione Granger. Cho Chang fæðist.
  • 1980 - 1. mars fæðist Ronald Bilius Weasley (Ron). 5. júní fæðist Draco Malfoy. Í júní fæðist Dudley Dursley. 30. júlí fæðist Neville Longbottom. 31. júlí fæðist Harry James Potter.
  • 1981 - 11. ágúst fæðist Ginny Weasley. Colin Creevey fæðist. Lúna Lovegood fæðist.
  • 1982 - Romilda Vane fæðist.
  • 1983 - Dennis Creevey fæðist.
  • 1986 - Gabrielle Delacour fæðist.

Andlát breyta

  • 1492 - Næstum hauslausi Nick deyr 31. október. Hann varð seinna draugur Gryffindor heimavistarinnar.
  • 1926 - Merope Gaunt deyr eftir fæðingu sonar síns. Phineas Nigellus Black deyr.
  • 1943 - 13. júni: Vala Væluskjóða deyr.
  • 1944 - Trevor Delgome eldri.
  • 1945 - Galdramaðurinn Grindewald.
  • 1979 - Regulus Black er myrtur. Orion Black deyr.
  • 1981 - 31. október: Lilly og James Potter myrt.
  • 1985 - Walburga Black deyr.
  • 1990 - Móðir Lúnu Lovegood deyr í slysi.
  • 1992 - Í júní deyr Quirrell prófessor. Nicolas Flamel og eiginkona hans Perenelle deyja eftir að viskusteininum hefur verið eytt. Lucretia Black deyr. Cygnus Black deyr.
  • 1994 - Í ágúst myrðir Voldemort Frank Bryce og um sumarið myrðir hann einnig Bertha Jorkins.
  • 1995 - Í maí myrðir Barty Crouch yngri föður sinn. 24. júní myrðir Peter Pettigrew (með töfrasprota Voldemorts) Cedric Diggory.
  • 1996 - Sirius Black er myrtur í Galdramálaráðuneytinu. Um sumarið er Amelia Bones, myrt á fyrsta degi seinna stríðsins, líklegast af Voldemort sjálfum. Um sumarið er Emmeline Vance, myrt af drápurum á fyrsta degi seinna stríðsins. Um sumarið er Igor Karkaroff myrtur af drápurum fyrir að hafa svikið þá.
  • 1997 - Albus Dumbledore er myrtur af Severus Snape í júní. Um vorið deyr risaköngulóin Aragog í hárri elli.
  • 1998 - Voldemort deyr 2. maí.