Rodrigo Duterte

16. forseti Filippseyja

Rodrigo Duterte (fæddur 28. mars, 1945) er filippseyskur stjórnmálamaður og fyrrverandi forseti Filippseyja. Hann tók við embætti árið 2016 og var kosinn með 39% atkvæða. Áður var hann borgarstjóri borgarinnar Davaó á Mindanao-eyju í 22 ár.

Rodrigo Duterte
President Rodrigo Duterte 2019.jpg
Forseti Filippseyja
Í embætti
30. júní 2016 – 30. júní 2022
Persónulegar upplýsingar
Fæddur28. mars 1945 (1945-03-28) (77 ára)
Maasin, Leyte, Filippseyjum
ÞjóðerniFilippeyskur
StjórnmálaflokkurPDP–Laban
MakiElizabeth Zimmerman (g. 1973; skilin 2000)
Börn4
HáskóliSan Beda-háskóli
StarfStjórnmálamaður
Undirskrift

Duterte hefur verið gagnrýndur af mannréttindasamtökum og Sameinuðu þjóðunum fyrir aftökur á fíkniefnasölum og fíkniefnaneytendum. Duterte hefur látið frá sér umdeild ummæli.[1] Á fundi ASEAN-ríkja og annarra landa kallaði hann Barack Obama Bandaríkjaforseta hóruson. Hann hefur sagst vilja drepa jafnmarga fíkla og Hitler gerði við gyðinga. [2] Duterte hefur viðurkennt að hafa myrt þrjá meinta glæpamenn þegar hann var borgarstjóri.[3]

Forseti Filippseyja má aðeins sitja eitt sex ára kjörtímabil en lengi voru vangaveltur um að Duterte myndi bjóða sig fram í embætti varaforseta til þess að halda völdum að lokinni forsetatíð sinni.[4] Í október 2021 tilkynnti Duterte hins vegar að hann ætlaði ekki að bjóða sig fram til varaforseta árið 2022 og myndi hætta afskiptum af stjórnmálum.[5]

TenglarBreyta

Morðóður forseti - Rúv.

TilvísanirBreyta

  1. Philippines President Rodrigo Duterte in quotes BBC. Skoðað 15. september, 2016
  2. Jewish leaders react to Rodrigo Duterte Holocaust remarks BBC. Skoðað 1. október, 2016.
  3. Duterte myrti þrjá sem borgarstjóri Rúv, skoðað 22. des, 2016.
  4. Róbert Jóhannsson (25. ágúst 2021). „Duterte verður varaforsetaefni“. RÚV. Sótt 2. október 2021.
  5. „Duterte hættir í stjórnmálum“. mbl.is. 2. október 2021. Sótt 2. október 2021.


Fyrirrennari:
Benigno Aquino III
Forseti Filippseyja
(30. júní 201630. júní 2022)
Eftirmaður:
Bongbong Marcos