Rannís
Rannsóknamiðstöð Íslands (Rannís) er ríkisstofnun á Íslandi sem hefur það hlutverk að treysta stoðir íslensks þekkingarsamfélags með stuðningi við rannsóknir, nýsköpun, menntun og menningu. Rannís heyrir undir háskóla, iðnaðar- og nýsköpunarráðuneytið.
Rannís er náinn samstarfsaðili Vísinda- og tækniráðs og veitir faglega aðstoð og þjónustu við undirbúning og framkvæmd stefnu þess. Rannís stuðlar að þróun þekkingarsamfélagsins með rekstri samkeppnissjóða, aðstoð og kynningu á alþjóðlegum sóknarfærum og samstarfsmöguleikum auk þess að greina og kynna áhrif rannsókna, nýsköpunar, menntunar og menningar á þjóðarhag.
Rannís er rekin af skattfé samkvæmt fjárlögum.
Rannís starfar á grundvelli laga um opinberan stuðning við vísindarannsóknir nr. 3/2003. Starfsfólk Rannís er tæplega 70 talsins. Forstöðumaður Rannís er Ágúst Hjörtur Ingþórsson. Hann er skipaður af háskóla,- iðnaðar- og nýsköpunarráðherra til fimm ára í senn samkvæmt erindisbréfi.