Pedro Rodríguez de Campomanes

Pedro Rodrígez y Peréz, greifinn af Campomanes, (1723-1803) var spænskur stjórnmálamaður, hagfræðingur og sagnfræðingur. Hann fæddist á norður-Spáni, í Eulaila de Sorriba þann 1 júlí 1723 og lést í Madríd höfuðborg Spánar árið 1803.[1]

Málverk af greifanum af Campomanes eftir Francisco Bayeu y Subías.

Foreldrar hans voru Pedro Rodríguez fæddur árið 1699 og María Pérez Fernández fædd 1690. Báðir foreldrar voru af aðalsættum. Pedro hóf lögfræðinám í Oviedo og lauk því í Sevilla, eftir útskrift flutti hann til Madríd.

Störf og framlög til hagfræðinnar breyta

Pedro Rodriquez var skipaður fjármálaráðherra Spánar árið 1760 á valdatíma Carlosar III, en var sviptur stöðunni 1791 af Carlosi IV vegna ótta hans við frönsku byltinguna. Hann studdi ýmsar frjálslyndar umbætur sem drógu meðal annars úr völdum kirkjunnar, svo sem bann við trúarlegum prófum í embætti í dóms- og stjórnsýslustörfum.[2] Við störf sín sem fjármálaráðherra hrinti hann í framkvæmd fjölda aðgerða sem miðuðu að því að örva efnahagsstarfsemi og endurreisa spænska hagkerfið. Meðal annars reglugerð um fríverslun árið 1765. Hann létti ennfremur ýmsum sköttum af landbúnaði og verslun sem höfðu staðið vexti þeirra fyrir þrifum.[3] Hann taldi að vöxt og viðgang efnahagskerfis Spánar mætti best tryggja með öflugri landbúnað, og tryggði meðal annars stuðning fyrir fátækustu landbúnaðarsvæðin.[4]

Pedro Rodríguez var einnig áhugamaður um nútímavísindi, landafræði og landbúnað. Árið 1762 gaf hann út rit um landafræði Portúgals sem nýttist síðar við innrás spánverja inn í Portúgal.[5]

Heimildir breyta

  1. 1723-1803., Rodríguez Campomanes, Pedro, (1762). Noticia geografica del reyno, y caminos de Portugal. En la Oficina de Joachin Ibarra. OCLC 919946604.
  2. Ruiza, M., Fernández, T. y Tamaro, E. (2004). Biografia de Pedro Rodríguez de Campomanes. En Biografías y Vidas. La enciclopedia biográfica en línea. Barcelona (España). Sótt frá https://www.biografiasyvidas.com/biografia/c/campomanes.htm 3. september 2021.
  3. Ruiza, M., Fernández, T. y Tamaro, E. (2004). Biografia de Pedro Rodríguez de Campomanes. En Biografías y Vidas. La enciclopedia biográfica en línea. Barcelona (España). Sótt frá https://www.biografiasyvidas.com/biografia/c/campomanes.htm 3. september 2021.
  4. Fernández Casado, Carlos (30. júní 1971). „Paso inferior de la Plaza de España en Barcelona“. Informes de la Construcción. 24 (231): 49–54. doi:10.3989/ic.1971.v24.i231.3362. ISSN 1988-3234.
  5. Noticia geográfica del reyno y caminos de Portugal (Madrid: Joaquín Ibarra, 1762).