Listi yfir mótmæli og óeirðir á Íslandi

Þetta er listi yfir helstu mótmæli og óeirðir á Íslandi þar sem fólk hefur komið saman til að sýna andstöðu sína við ríkjandi vald eða til að sýna samstöðu í verkfalli.

Mótmæli, verkfallsdeilur og óeirðir Íslandi

• 2016 - Í apríl 2016 mótmæltu yfir 22.000 manns vegna leka á gögnum úr skattaskjólum, þ.e. Panamaskjölin.
• 2014 - Mótmælin gegn afturköllun umsóknar um aðild Íslands að Evrópusambandinu
• 2013 - Mótmæli Hraunavina vegna lagningar nýs Álftanessvegar í gegnum Gálgahraun. Handtökur þann 21. október 2013.
• 2011 - Þann 1. október voru haldin mótmæli við Austurvöll og undirskriftalisti Hagsmunasamtaka heimilanna, sem hafði að geyma nöfn 34 þúsund Íslendinga, um að lán heim­il­anna verði leiðrétt og að verðtrygg­ing verði af­num­in var afhent forsætisráðherra.
• 2010 - Mótmæli á pöllum Alþingis 8. desember. Mótmælendur voru að sýna samstöðu með nímenningunum þar sem tvö ár voru liðinn frá handtöku þeirra.
• 2010 - Um haustið voru regluleg mótmæli víða um land vegna niðurskurðar í heilbrigðiskerfinu og menntakerfinu.
• 2010 - Um 50 mótmælendur mættu við skrifstofu Alþjóðagjaldeyrissjóðinn á Hverfisgötu 13. júlí. Þar börðu þeir á búsáhöld og blés í lúðra. Einn mótmælandi var handtekinn vegna eignarspjalla þegar hann skvetti málningu á húsnæði AGS.
• 2010 - Við setningu Alþingis 1. október voru fjölmenn mótmæli og ráðist var inn í skrifstofur Landsbankans. Þann 4. október urðu ein fjölmennustu mótmæli í sögu Íslands á Austurvelli þar sem fólk mótmælti aðgerðum ríkisstjórnarinnar í kjölfar Bankahrunsins. Samstöðumótmæli voru á Ísafirði sama dag.
• 2010 - Lögreglumenn mótmæltu því að ekki væri búið að semja við þá um kaup og kjör þann 9. mars og 31. maí. Mótmælin voru við Karphúsið og á Austurvelli.
• 2009-2010 - Mótmæli Hagsmunasamtaka heimilanna vegna uppgjörs á lánum bankanna til almennings á Íslandi.
• 2009-2010 - Mótmæli vegna samninga um uppgjör Icesave-reikninga Landsbankans.
• 2009 - Mótmæli Saving Iceland vegna fyrirhugaðs álvers Norðuráls í Helguvík.
• 2008-2009 - Mótmælin í kjölfar efnahagskreppunnar 2008. Samtökin Raddir fólksins héldu 31 laugardagsfund frá hausti 2009 fram á sumar 2010 þar sem fjöldi ræðumanna kom fram.
• 2008 - Mótmæli vörubílstjóra á Íslandi 2008, sem komu til vegna þess að vörubílstjórar kröfðust lægra bensínverðs og að hvíldarskylda yrði rýmkuð.
• 2005 - Kvennafrídagurinn síðari, haldinn í 30 ára minningu þess fyrri. Tugþúsundir karla og kvenna komu saman í miðbæ Reykjavíkur.
• 1984 - Hægrimenn mótmæla hernaði Sovétmannamanna í Afganistan fyrir utan sovéska sendiráðið þann 27. desember.
• 1975 - Kvennafrídagurinn, mótmæli sem fóru fram á Lækjartorgi og víða um land.
• 1973 - Þorskastríðin: 3-4000 manns söfnuðust fyrir utan breska sendiráðið og brutu nánast allar rúður í húsinu með grjótkasti.
• 1968 - Þorláksmessuslagurinn, sem kom til vegna Víetnamsstríðsins.
• 1959 - Róstan á Siglufirði 1959, sem var róstursamasta nótt í sögu Siglufjarðar. Kom til vegna slagsmála áhafna síldarveiðiskipa sem ekki komust inn á dansleik. Um 200 síldarveiðiskipa var í höfn og lögreglan notaði táragas.
• 1949 - Óeirðirnar á Austurvelli 1949, mótmæli sem urðu við inngöngu Íslands í NATO.
• 1939 - Hlífardeilan, verkfallsdeila í Hafnarfirði.
• 1934 - Borðeyrardeilan, verkfallsdeila á Borðeyri.
• 1933 - Nóvudeilan, verkfallsdeila á Akureyri.
• 1933 - Sjómannakaupdeilan, kaupdeila í Vestmannaeyjum.
• 1932 - Gúttóslagurinn, kaupdeila í Reykjavík.
• 1930 - Skírdagsslagurinn, verkfallsdeila í Vestmanneyjum.
• 1905 - Símamálið, þegar deilt var um það hvort velja ætti sæsímasamband eða loftskeytasamband.

Tilvísanir

Tengt efni

• Listi yfir Keflavíkurgöngur
• Listi yfir mótmælaaðgerðir Samtaka herstöðvaandstæðinga

  Þessi grein er stubbur. Þú getur hjálpað til með því að bæta við greinina.