Listi yfir hátíðardaga íslensku þjóðkirkjunnar

Listi yfir hátíðardaga Íslensku Þjóðkirkjunnar, það er þeir dagar sem marka kirkjuár hennar.

Kirkjuárið

Kirkjuárið hefst með fyrsta sunnudegi í aðventu, öðru nafni jólaföstu, sem getur verið frá 27. nóvember til 3. desember. Fer það eftir því hve margir sunnudagar líða til Jóla, en aðventan inniheldur alltaf fjóra sunnudaga. Á einu kirkjuári er farið í gegnum líf og starf Jesú Krists á afar skipulegan hátt í guðsþjónustum.

Kirkjuárið skiptist í tvö misseri. Hátíðamisserið svokallaða byrjar með aðventunni og lýkur með þrenningarhátíð (trinitatis). Hátíðalausa misserið byrjar viku síðar. Sunnudagar þess tímabils geta flestir orðið 27.

Hátíðardagatal íslensku Þjóðkirkjunnar

• Aðventa: Guð kemur til okkar - við væntum hans í trú.
• Jól: Guð varð mannsbarn - okkur til bjargar.
• Nýár: Guð leiðir okkur á nýju ári. Hans ár fá engan endi.
• Þrettándi: Jesús Kristur birtist sem lausn og frelsun allra þjóða.
• Langafasta: Jesús þjáist og deyr heiminum til lífs.
• Páskar: Jesús Kristur sigrar dauðann.
• Uppstigning: Jesús Kristur ríkir með Guði og biður fyrir okkur.
• Hvítasunna: Andi Guðs lífgar og ummyndar lífið allt.
• Þrenningarhátíð (Trinitatis): Við tilbiðjum Guð, föður, son og heilagan anda.
• Tíminn eftir trinitatis: Tími kirkjunnar, vaxtar og þroska í trú.
• Lok kirkjuárs: Allt er hverfult - en við væntum nýs himins og nýrrar jarðar þar sem vilji Guðs er og ræður.

Tenglar

• Dagar kirkjuársins samkvæmt Heimasíðu Íslensku þjóðkirkjunnar Geymt 2012-03-10 í Wayback Machine
• Vísindavefurinn: „Hverjir eru helstu hátíðisdagar kirkjuársins og hvað gerðist á þeim?“