Námafjall
Námafjall og umhverfi er háhitasvæði sem liggur um sprungurein sem nær norðan úr Öxarfirði gegnum eldstöðina Kröflu og suður fyrir Hverfell. Jarðhitanum er viðhaldið af kvikuinnskotum frá eldstöðinni.
.jpg)
Þjóðvegurinn milli Mývatns og Austurlands liggur um Námaskarð rétt austan Bjarnarflags milli Dalfjalls og Námafjalls.
Þétt sprungubelti liggur yfir allt Námafjallssvæðið en meginuppstreymið er austan við fjallið og hefur það gengið síðustu ár undir nafninu Hverarönd. Á því svæði eru margir gufu- og leirhverir, en engir vatnshverir. Leirhverirnir eru stórir og áberandi en gufuhverirnir eru margir ekki annað en borholur sem búið er að hlaða grjóti yfir.[1] Jarðvegur ófrjór og gróðurlaus á háhitasvæðinu og mjög súr vegna áhrifa hveraloftsins og fellur út brennisteinn.
Fyrr á öldum var mikið brennisteinsnám við Námafjall en á miðöldum var brennisteinninn notaður í púður. Eigendur Reykjahlíðar auðguðust mikið á sölu brennisteins. Brennisteinn var unninn í Hlíðarnámum. Danakonungur eignaðist námurnar árið 1563. Þær voru nýttar af og til fram á miðja 19. öld. Verksmiðja til að vinna brennistein var reist í Bjarnarflagi árið 1939 og starfaði í nokkur ár.[2]
Jarðhitasvæðið við Námafjall og allur Skútustaðahreppur var friðlýst árið 1974.
Árið 1987 var kvikmyndir Í skugga hrafnsins tekin upp við Námafjall og frumsýnd ári seinna.
Heimildir breyta
- ↑ „Jarðhiti við Námafjall | Íslenskar orkurannsóknir“. www.isor.is. Afrit af upprunalegu geymt þann 24. júlí 2021. Sótt 24. júlí 2021.
- ↑ Stefán Pálsson (október 2017). „Vinnsla og nýting jarðhita í Mývatnssveit“ (PDF). Landsvirkun. Sótt júlí 2021.
- Námafjall (vefur um Mývatn) Geymt 22 febrúar 2007 í Wayback Machine
- Námafjall Geymt 25 febrúar 2007 í Wayback Machine
- Námaskarð Geymt 22 júní 2008 í Wayback Machine