Kalmarhöll er í bænum Kalmar í Svíþjóð og hefur verið þar frá 12. öld. Magnús hlöðulás reisti fyrsta turninn sem var varnarmannvirki. Turninn var staðsettur í höfninni í Kalmar og gegndi byggingin mikilvægu hlutverki í vörnum Svíþjóðar á öldinni.

Kalmarhöll

Saga breyta

Einn mikilvægasti atburður í sögu Norðurlanda gerðist í Kalmarhöll árið 1397 þegar Danmörk, Noregur og Svíþjóð gengu í konungssamband sem hefur verið kallað Kalmarsambandið. Finnar og Íslendingar voru einnig í sambandinu því þeir voru hluti af þessum konungsdæmum. Kalmarsambandið var undir stjórn Margrétar Danadrottningar. Á 16. öld var mikið byggt við Kalmarhöllina undir stjórn Gústafs 1. Svíakonungs og sona hans. Þeir breyttu honum úr virki í stóra höll í endurreisnarstíl. Höllin skemmdist í Kalmarstríðinu sem stóð frá árunum 1611 til 1613. Höllin skemmdist einnig mikið í eldi árið 1642 en var endurbyggður.

Endurgerð breyta

Árið 1856 kom arkitekt til Svíþjóðar sem hét Fredrik Wilhelm Scholander og hóf hann endurgerð Kalmarhallarinnar. Þegar Fredrik lést árið 1880 tók nemandi hans við endurreisninni. Annar arkitekt, Carl Möller, tók verkefnið að sér árið 1885 og árið 1891 leit höllin út eins og í dag. Árið 1919 hóf Martin Olsson vinnu við endurreisn hallarinnar og endurbyggði virkisdíkið, vindubrú og göngubrú. Vinna við endurreisnina stóð til 1941 og í dag er Kalmarhöllin sú mest heimsótta í Svíþjóð.